Ayeshaa Khan: ఆయేషా‌ఖాన్ బుల్లితెరపై తిరుగులేని నటి. ఈమె టాలీవుడ్‌పై కన్నేసింది. కావల్సినంత అందం ఈమె సొంతం.

కాకపోతే గ్లామర్ ఇండస్ట్రీలో తనకంటూ ఇమేజ్ క్రియేట్ చేసుకోవాలని భావిస్తోంది. ఈ క్రమంలో వచ్చిన ప్రతీ అవకాశాన్ని అంది పుచ్చుకుంటుంది.

ప్రస్తుతం ఓ మూవీ చేస్తోంది. ఉత్తరాదికి చెందిన ఈ బ్యూటీ నటిగా మాత్రమే కాకుండా మోడల్‌గా సుపరిచితం. ఐదేళ్ల కిందట ఏక్తాకపూర్ ద్వారా టెలివిజన్ షోలో ఎంట్రీ ఇచ్చింది ఆయేషా.

ఆ తర్వాత వెనుదిరిగి చూడలేదు. గతేడాది హిందీ బిగ్‌బాస్-17లో కంటెస్టెంట్ కూడా. రెండేళ్ల కిందట ముఖ చిత్రం ద్వారా టాలీవుడ్ ద్వారా గ్లామర్ ఇండస్ట్రీకి అడుగుపెట్టేసింది.

ఆ తర్వాత ఓం భీమ్ బుష్, గ్యాంగ్స్ ఆఫ్ గోదావరి, మనమే వంటి సినిమాలు చేసింది. కాకపోతే తన మార్క్ చూపించలేకపోయింది. సరైన హిట్ కోసం తహతహలాడుతోంది.

బుల్లితెర ద్వారా లక్షలాది మంది అభిమానులను తన కొంగును ముడేసుకున్న ఈ బ్యూటీ, తెలుగు ప్రేక్షకులపై కన్నేసింది. వీలు చిక్కినప్పుడల్లా తనకు సంబంధించి చిన్న చిన్న ఫోటోషూట్లు చేస్తోంది. వాటిని సోషల్ మీడియా ద్వారా అభిమానులతో షేర్ చేసుకుంటోంది.

ఆయేషాఖాన్‌కు ఇంకా వయసు ఉందని, కంగారు పడాల్సిన అవసరం లేదన్నది ఇండస్ట్రీలో వినిపిస్తున్నమాట. ఈ లెక్కన రాబోయే రోజుల్లో వెండితెరపై హంగామా చేయడం ఖాయమని అంటున్నారు.

Share

• 
• 
• 
• 
• 
•