Banned Movies on OTT: కొన్ని సినిమాలను మొదలు పెట్టినప్పటి నుంచే వివాదాల్లో చిక్కుకుంటాయి. ఆ కారణాల వల్ల కొన్నిసార్లు ఏకంగా థియేటర్లోకి వచ్చే ఛాన్స్ కూడా ఉండదు. ముఖ్యంగా సాంస్కృతిక, మత, రాజకీయ కారణాలు ఇలా సినిమాలు బ్యాన్ అవ్వడానికి కారణం అవుతాయి. మరికొన్నిసార్లు ప్రేక్షకుల మనోభావాలు దెబ్బ తినే విధంగా ఉంటే సినిమాలను సెన్సార్ బోర్డు ఆపేస్తుంది. అలా బ్యాన్ అయిన సినిమాలు కొన్ని ఓటీటీలో మాత్రం ఎలాంటి అడ్డంకి లేకుండా స్ట్రీమింగ్ అవుతున్నాయి. ఆ సినిమాలు ఏంటో తెలుసుకుందాం పదండి.

ఇన్షా అల్లా ఫుట్బాల్

ఒక కాశ్మీరీ యువకుడు బ్రెజిల్ జట్టుకు ఫుట్బాల్ ఆట గాడిలా మారాలని కలలు కంటాడు. అతని తల్లితో పాటు పలు రాజకీయ కారణాల వల్ల అది నెరవేరకుండా పోతుంది. ఈ సినిమా యూట్యూబ్లో స్ట్రీమింగ్ అవుతుంది.

వాటర్

1930లో భర్తలను కోల్పోయి విధవలుగా మారిన స్త్రీల చుట్టూ తిరిగే కథ ఇది. ఇందులో గతంలో జరిగిన సతీసహగమనం వంటి దారుణమైన పరిస్థితులను కళ్ళకు కట్టినట్టుగా చూపించారు. ‘వాటర్’ సినిమాను యూట్యూబ్లో చూడొచ్చు.

అన్ ఫ్రీడం

ఈ సినిమా రెండు దేశాల్లో నడుస్తుంది. వేర్వేరు దేశాల్లో ఉండే వేరువేరు మనుషుల చుట్టూ నడుస్తుంది. అందులో ముస్లిం టెర్రరిస్టులు, లెస్బియన్ అమ్మాయికి బలవంతపు పెళ్లి నేపథ్యంలో నడిచే ఈ సినిమా నెట్ ఫిక్స్ లో అందుబాటులో ఉంది.

ఫర్జానియా

‘ఫర్జానియా’ సినిమా గుజరాత్ అల్లర్ల నేపథ్యంలో తెరకెక్కింది. అప్పట్లో ఈ సినిమాను థియేటర్లలో రిలీజ్ చేయకుండా బ్యాన్ చేశారు. కానీ ప్రస్తుతం ఈ సినిమా హాట్ స్టార్ లో స్ట్రీమింగ్ అవుతుంది.

గాండు

రీసెంట్ గా ‘మీర్జాపూర్’ సిరీస్ బూతుల కారణంగా ఎంత పాపులర్ అయిందో ప్రత్యేకంగా చెప్పక్కర్లేదు. కానీ ఈ ‘గాండు’ అనే సిరీస్ మాత్రం మితిమీరిన బూతుల కారణంగా థియేటర్లలో బ్యాన్ అయింది. కానీ ఎలాంటి సెన్సార్ లేకుండా నెట్ ఫిక్స్ లో ఈ సినిమా స్ట్రీమింగ్ అవుతుంది.

బాండిట్ క్వీన్

ఈ ‘బాండిట్ క్వీన్’ సినిమా బందిపోటు రాణి పూలన్ దేవి జీవితం ఆధారంగా రూపొందించారు. కానీ సినిమా పలు వివాదాల వల్ల థియేటర్లలో రిలీజ్ కాలేదు. అయితే ఈ సినిమాను కావాలంటే అమెజాన్ ప్రైమ్ వీడియోలో చూడొచ్చు.

లవ్

గే సెక్స్ కు సంబంధించిన కొన్ని సినిమాలను ప్రస్తుతం బాగానే చూస్తున్నారు జనాలు. కానీ 2017 లో వచ్చిన ‘లవ్’ సినిమాలు మాత్రం థియేటర్లలో చూసే ఛాన్స్ రాలేదు. ఈ మూవీ ప్రస్తుతం నెట్ ఫ్లిక్స్ లో స్ట్రీమింగ్ అవుతుంది.

బ్లాక్ ఫ్రైడే

ముంబైలో జరిగిన పేలుళ్ల చుట్టూ సాగే ఈ కథ పలు కారణాల వల్ల థియేటర్లకైతే రాలేదు. కాని హాట్ స్టార్ లో అందుబాటులో ఉంది.

ఫైర్

నందిత దాస్, షబానా అజ్మీ లీడ్ రోల్ పోషించిన ఈ సినిమాను భారత ప్రభుత్వం బ్యాన్ చేసింది. వీరిద్దరూ లెస్బియన్లుగా కనిపించిన ఈ సినిమా ప్రస్తుతం అమెజాన్ ప్రైమ్ వీడియోలో అందుబాటులో ఉంది.

Share

• 
• 
• 
• 
• 
•