CM : కర్ణాటక ఎన్నికల్లో కాంగ్రెస్ అఖండ విజయం సాధించిన తరువాత నెక్స్ట్ సీఎం ఎవరు అనే చర్చ జోరుగా సాగుతోంది. అయితే అధిష్టానం.. సీనియర్ నేత సిద్ధరామయ్య వైపే మొగ్గు చూపినట్టు తెలుస్తోంది. ఈ నేపథ్యంలో సిద్ధరామయ్య ఇంటి దగ్గర ఇప్పటికే ఫ్లెక్సీలు వెలువడ్డాయి.ఆయనకు శుభాకాంక్షలు చెబుతూ బ్యానర్లు ఏర్పాటు చేశారు. ఈ బ్యానర్లతో జరుగుతున్న ప్రచారానికి మరింత బలం చేకూరినట్టు అయింది.
డీకే శివకుమార్ అభిమానులు మాత్రం ఆయన్ని సీఎం చేయాలని డిమాండ్ చేస్తున్నారు.రేపు డీకే బర్త్ డే సందర్భంగా ఆయన ఇంటి దగ్గర ఫ్లెక్సీలు ఏర్పాటు చేశారు. ఈ ఫ్లెక్సీల్లో శివకుమార్ ను సీఎంగా ప్రకటించాలని కోరుతున్నారు. మొత్తానికి అటు సిద్ధరామయ్య, ఇటు శివకుమార్ అభిమానుల పోటా పోటీగా ఫ్లెక్సీలు ఏర్పాటు చేస్తున్నారు.