Holiday: మనిషికి నిద్ర ఎంతో ముఖ్యం. ప్రతిరోజూ సరిపడినంత నిద్రపోతే గానీ చేసే పని మీద దృష్టి పెట్టలేము. రోజుకు కనీసం 6 గంటలైనా నిద్రపోవాలి. లేదంటే రోజంతా నీరసంగా ఉంటుంది. మానసిక ప్రశాంతత ఉండదు. సకల రోగాలు వస్తాయి. ఇక మార్చి 17న వరల్డ్ స్లీపింగ్ డే సందర్భంగా బెంగళూరుకు చెందిన ఓ సంస్థ ఉద్యోగులకు అదిరిపోయే గిఫ్ట్ ఇచ్చింది.
బెంగళూరుకు చెందిన వేక్ఫిట్ సొల్యూషన్స్ అనే సంస్థ ప్రపంచ నిద్ర దినోత్సవం సందర్భంగా ఉద్యోగులకు సెలవు ప్రకటించింది. తమ ఉద్యోగులకు ఆరోగ్యకర జీవనాన్ని అలవర్చే దిశగా ఈ నిర్ణయం తీసుకున్నట్లు ఆ సంస్థ వెల్లడించింది. ఈ విషయాన్ని లింక్డిన్ వేదికగా ప్రకటిస్తూ.. ‘‘ప్రపంచ నిద్ర దినోత్సవం సందర్భంగా వేక్ఫిట్ ఉద్యోగులందరికీ సెలవు ఇస్తున్నాం. లాంగ్ వీకెండ్లో విశ్రాంతి తీసుకోవడానిక ఇది సరైన అవకాశం. నిద్రకు మించి ఇంకేం బహుమతి ఇవ్వగలం’’ అంటూ రాసుకొచ్చింది.
ఇక కంపెనీ నిర్ణయంతో ఉద్యోగులు సంతోషం వ్యక్తం చేస్తున్నారు. లాంగ్ వీకెండ్ రావడంతో ఫ్యామిలీ, ఫ్రెండ్స్తో కలిసి టూర్లు, షికార్లకు వెళ్లడానికి రెడీ అయిపోతున్నారు.