Tunnels Of Maoist : మావోయిస్టుల వ్యూహాలు భద్రతా బలగాలను కలవరపెడుతున్నాయి. వారు హమాస్‌ను ఫాలో అవుతున్నారా..? కూంబింగ్ దళాల్ని దెబ్బతీయడానికి కొత్త స్కెచ్‌ వేశారా..? అండర్‌ గ్రౌండ్‌లో పెద్ద సామ్రాజ్యాన్నే సృష్టించుకున్నారా..? అంటే అవుననే సమాధానం చెప్పొచ్చు. దంతెవాడలో భారీ సొరంగం చూశాక.. పోలీసులే అవాక్కు అయ్యారంటే దాని నిర్మాణం ఏ విధంగా ఉందో ఊహించవచ్చు.

మావోయిస్టులు సొరంగం ఏర్పాటు చేసుకున్నారు. తమను తాము కాపాడుకోవటంతోపాటు వారి వద్ద ఉన్న ఆయుధాలను దాచేందుకు ఏకంగా కొత్త సామ్రాజాన్నే సృష్టించుకున్నారు. పక్కా సమాచారంలో అక్కడకి వెళ్లిన పోలీసులు.. ఒక్కసారిగా ఉలిక్కిపడ్డారు. ఆ ప్రదేశాన్ని చూసి.. చత్తీస్‌గఢ్‌ అడవుల్లో ఏం జరుగుతోందనే ఆలోచనలో పడ్డారు.

గతంలో మావోయిస్టులు అడవులను అండగా చేసుకుని పోరాటాలు చేసేవారు. అయితే.. దంతెవాడ అడవుల్లో వారు ఏకంగా భారీ సొరంగాలు ఏర్పాట్లు చేసుకున్న విషయం ఆలస్యంగా వెలుగులోకి వచ్చింది. అందులోనే వారు భద్రతంగా ఉండటంసహా తమ ఆయుధాలను దాచుకుంటున్నారు. అడవుల్లో అసలు గుర్తించేందుకు కూడా అవకాశం లేకుండా.. చదును నేలపై కొన్ని ఇనుప రాడ్డులను అడ్డంగా పెట్టారు. సమాచారం అందుకున్న పోలీసులు.. ఆ ఇసుపరాడ్డులను తొలగించి కిందకు దిగితే.. బాహుబలిని మించిన సెట్టు లాంటి సొరంగం బయటపడింది.

ఒక మనిషి నడిచే వెళ్లే అంత వెడల్పుతో.. గాలి, వెలుతురు కోసం తెరచి ఉంచిన ఈ సొరంగాల వీడియోలను భద్రతా బలగాలు విడుదల చేశాయి. వీటిని చూసిన వారంతా.. ఆశ్చర్యం వ్యక్తం చేస్తున్నారు.

Share

• 
• 
• 
• 
• 
•