Mumbai Rains: భారీ వర్షాలు ముంబైని ముంచెత్తుతున్నాయి. గత కొన్ని రోజులుగా ఎడతెరపి లేకుండా కురుస్తున్న వర్షాలకు నగరం తడిసి ముద్దవుతోంది. ఆదివారం ఉదయం 8 గంటల నుంచి సోమవారం 8 గంటల వరకు 24 గంటల్లోనే ముంబైలోని చాలా ప్రాంతాల్లో 200 మిల్లీమీటర్లకు పైగా వర్షాపాతం నమోదైనట్లు బృహన్ ముంబై మున్సినల్ కార్పొరేషన్ ఆటోమేటిక్ వెదర్ స్టేషన్ వెల్లడించింది. అంతే కాకుండా ట్రాంబేలో 241 మిల్లీ మీటర్ల గరిష్ట వర్షాపాతం నమోదైట్లు తెలిపింది.
వడాలాలో 223 మి.మీ,ఘట్ కోపర్లో 215 మి.మీ, వర్లీలో 204 మి.మీ, సెవ్రిలో 203 మి.మీ, బీకేసీలో 199 మిల్లీ మీటర్ల వర్షాపాతం నమోదైనట్లు తెలిపింది. ఎడతెరపి లేకుండా కురుస్తున్న భారీ వర్షాల కారణంగా ముంబైలో అధికారులు హై టైడ్ అలర్ట్ ప్రకటించారు. ఇదిలా ఉంటే.. మరో వైపు కుండపోత వర్షాలకు మహా నగరంలో జనజీవనం స్తంభించిపోయింది. అనేక ప్రాంతాలు నీట మునిగాయి.
ఇవాళ కూడా నగరంలో భారీ వర్షాలు కురిసే అవకాశం ఉందని భారత వాతావరణ విభాగం వెల్లడించింది. ఈ నేపథ్యంలో ప్రజలు అప్రమత్తంగా ఉండాలని తెలిపింది. అవసరమైతే తప్ప బయటకు రావొద్దని నవీ ముంబై మున్సినపల్ కార్పొరేషన్ విపత్తు నిర్వాహణ విభాగం సూచించింది. ఇక భారీ వర్షాల కారణంగా నగరంలోని చాలా ప్రాంతాల్లో ట్రాఫిక్ కు తీవ్ర అంతరాయం కలుగుతోంది. రైళ్లు విమానల రాకపోకలకు ఇబ్బందులు తలెత్తుతున్నాయి.
ముంబైని ముంచెత్తుతున్న భారీ వర్షాలు.. 24 గంటల్లో 200 మిల్లీ మీటర్ల వర్షపాతం pic.twitter.com/fDY3KUaJkn
— ChotaNews (@ChotaNewsTelugu) July 22, 2024
Juhu beach, Mumbai during 4.7 metre high tide.
🎥 @zoru75
#MumbaiRains pic.twitter.com/nRq4FZW9UV— Mumbai Rains (@rushikesh_agre_) July 22, 2024