Android Apps: డిజిటల్ యుగంలో.. డేటా భద్రత చాలా ముఖ్యం. యూజర్లు అప్రమత్తంగా లేకపోతే వ్యక్తిగత వివరాలన్నీ థర్డ్ పార్టీ యాప్ ల ద్వారా సైబర్ నేరగాళ్ల చేతికి చిక్కినట్లే. ఆ తర్వాత బ్యాంక్ ఖాతాలు ఖాళీ అయిపోతాయి. అందుకే గూగుల్ యూజర్ల భద్రత దృష్ట్యా ఎప్పటికప్పుడు మాల్ వేర్ యాప్ లను ప్లేస్టోర్ నుంచి తొలగిస్తోంది. తాజాగా సైబర్ సెక్యూరిటీ సంస్థ మెకాఫీ ఇచ్చిన నివేదిక ఆధారంగా మరో 13 యాప్ లను గూగుల్ ప్లేస్టోర్ నుంచి తొలగించింది. యూజర్లు కూడా వెంటనే ఆయా యాప్ లను ఫోన్ ల నుంచి తొలగించాలని సూచించింది.
తాజాగా తొలగించిన 13 యాప్ లలో హెల్త్, గేమింగ్, రాశిఫలాలు, ప్రొడక్టివిటీకి సంబంధించిన యాప్ లు ఉన్నాయి. ఈ యాప్ లు యూజర్ ఫోన్స్ లో ఇన్ స్టాల్ చేయడమే ఆలస్యం. సోషల్ ఇంజినీరింగ్ ద్వారా యూజర్ ప్రమేయం లేకుండా డివైజ్ ను యాక్సెస్ చేసి.. ఆండ్రాయిడ్ చేసే అన్నిరకాల అలర్ట్ మెసేజ్ లను డిజేబుల్ చేస్తాయి. ఆపై సైబర్ నేరస్తుల ఫోన్లను తమ ఆధీనంలోకి తీసుకుని.. ప్రకటనలపై క్లిక్ చేయడం, మోసపూరిత ఆర్థిక లావాదేవీలను నిర్వహించే యాప్ లను ఇన్ స్టాల్ చేయడం ద్వారా లబ్ధి పొందుతున్నట్లు మెకాఫే వెల్లడించింది. యూజర్లు ఎవరైనా ఆయా యాప్ లు ఇన్ స్టార్ చేసుకుని ఉంటే వెంటనే డిలీట్ చేయాలని గూగుల్ సూచించింది.
Essential horoscope for android, 3D skin editor for PE minecraft, Logo maker Pro, Auto Click Repeater, Count easy calorie calculator, sound volume extender, letter link, numerology : personal horoscope and number predictions, step keeper : easy pedmeter, track your sleep, sound volume booster, astrological navigator: daily horoscope&tarot, universal calculator యాప్ లు గూగుల్ తొలగించిన యాప్ ల లిస్ట్ లో ఉన్నాయి.