CM Siddaramaiah: సీఎం సిద్ధరామయ్య తక్షణమే రాజీనామా చేయాలని యెడ్యూరప్ప చేసిన వ్యాఖ్యలను సీఎం ఖండించారు. ఈ సందర్భంగానే యెడ్యూరప్పపై ఉన్న కేసుల గురించి ఆయన మాట్లాడారు. అంతే కాకుండా యెడ్యూరప్పకు తన రాజీనామా గురించి మాట్లాడే హక్కు లేదని అన్నారు. యెడ్యూరప్ప డిమాండ్లను మీడియా ప్రస్తావించగా వాటికి సిద్ధ రామయ్య సమాధానం ఇచ్చారు. అంతే కాకుండా యెడ్యూరప్పపై పోక్సో కేసు ఉందని అన్నారు.
ఆయనపై ఎన్ని కేసులు ఉన్నాయో తెలుసా మీకు ? అసలు ఆయన రాజకీయాల్లో ఉండేందుకు అర్హుడు కాదు.. నా రాజీనామా అడిగేందుకు ఆయనకు ఏ నైతిక హక్కు ఉంది. ఆయనపై చార్జిషీట్ కూడా దాఖలు అయింది. కోర్టు బెయిల్ ఇచ్చింది కాబట్టి ఆయన బయట ఉన్నారు. లేదంటే పోక్సో కేసులో జైలులో ఉండేవారని అన్నారు.