Largest Pumpkin: ఒకటీ.. అరా.. కాదు. ఏకంగా 1247 కిలోలు! అంతటి భారీ గుమ్మడికాయను ఎవరూ చూసి ఉండకపోవచ్చు. మిన్నెసోటాకు చెందిన హార్టికల్చర్ టీచర్ ట్రావిస్ గ్యాంగర్‌ భారీ సైజు గుమ్మడికాయలను అలవోకగా పండించేయగలరు.

కాలిఫోర్నియాలోని హాఫ్ మూన్ బే సిటీలో(Half Moon Bay Pumpkin Festival) జరిగిన 50వ ప్రపంచ పోటీల్లో అత్యంత బరువున్న గుమ్మడికాయను ప్రదర్శించారు. ఆ భారీ గుమ్మడికాయను చూసి అందరూ ఔరా అని ముక్కున వేలేసుకున్నారు.

దానిని కోస్తే 687 ముక్కలు చేయొచ్చట. ట్రావిస్ గత 30 ఏళ్లుగా గుమ్మడికాయలను పెంచుతున్నారు. అతి భారీ గుమ్మడికి సంబంధించిన గిన్నిస్ రికార్డు ఇప్పటివరకు ఇటలీ రైతు పేరిట ఉండేది. 1226 కిలోల బరువు రికార్డును ట్రావిస్ ఇప్పుడు బద్దలు కొట్టేశాడు. 30 వేల డాలర్ల బహుమతిని దక్కించుకున్నాడు.

భారీ గుమ్మడికాయల సాగులో 2020, 2022 లోనూ అతనే విజేత. సొంత పెరడులోనే ఆ గుమ్మడికాయను పండించడం మరో విశేషం. ట్రావిస్ తండ్రి గుమ్మడికాయలను సాగు చేస్తుండేవారు. అదే స్ఫూర్తితో టీనేజర్ నుంచి గుమ్మడి సాగుపై ఆసక్తి పెంచుకున్నాడు ట్రావిస్.

Share

• 
• 
• 
• 
• 
•