Manipur latest incident news(Breaking news of today in India): మణిపూర్‌లో మరో దారుణ ఘటన వెలుగులోకి వచ్చింది. కొందరు దుండగులు.. కుకి జాతికి చెందిన ఓ వ్యక్తిని చంపి, అతని తల నరికేశారు. అనంతరం ఇంటి ముందు ఫెన్సింగ్ కు వేలాడదీశారు. ఈ దృశ్యాలు తాజాగా సోషల్ మీడియాలో వైరల్​ అయ్యాయి.

మణిపూర్​ లో .. కుకి జాతికి చెందిన ఇద్దరు మహిళలపై గ్యాంగ్​ రేప్ ​తో పాటు నగ్నంగా చేసి ఊరేగించిన ఘటన మరువక ముందే.. తాజా విషయం దుమారం మళ్లీ దుమారం రేపుతోంది. ఈ ఘటన కలకలం సృష్టించిన కొన్ని రోజులకే శరీరం నుంచి తల వేరు చేసిన ఓ వ్యక్తికి సంబంధించిన వీడియో సంచలనం సృష్టిస్తోంది.

ఈ ఘటన చూర చంద్రాపుర్ ​లో ని లమ్జా గ్రామంలో జులై 2న జరిగినట్టు తెలుస్తోంది. మృతుడి పేరు డేవిడ్​ థైక్​. వాస్తవానికి ఉద్యోగం కోసం అతను ముంబైకి వెళ్లాల్సి ఉంది. కానీ మణిపూర్​ ఘర్షణల కారణంగా అతను గ్రామంలోనే ఉండిపోయాడని స్థానికులు చెబుతున్నారు.

మణిపూర్ లో అల్లర్ల నేపథ్యంలో ఊరిలోని వారు ఒకరి తర్వాత ఒకరు కాపలా కాయడం మొదలుపెట్టారు. ఈ క్రమంలోనే జులై 2 తెల్లవారుజామున థైక్​ కూడా కాపలా కాశాడు. ఈ నెల 2న ఉదయం 5 గంటలకు.. ఓ గుంపు, ఆయుధాలతో థైక్​పై దాడి చేసిందని స్థానికులు చెబుతున్నారు. తుపాకీతో అతడిని కాల్చిన దుండగులు.. ఆ తర్వాత శరరం నుంచి తలను వేరు చేశారు. ఒక కన్నును పీకేశారు. అనంతరం ఆ తలను ఇంటి ముందు ఉన్న ఫెన్సింగ్ ​కు వేలాడదీశారు. అంతటితో ఆగకుండా.. తల లేని శరీరంపై అనేక మార్లు కత్తితో పొడిచారంటున్నారు స్థానికులు.

మరోవైపు చనిపోవడానికి కొంత సేపటి ముందు.. ఓ మహిళ, ఆమె ఇద్దరి బిడ్డలను థైక్​ రక్షించినట్లు తెలుస్తోంది. దుండగుల దాడి చేస్తుండగా.. ఆ ముగ్గురిని సురక్షిత ప్రాంతానికి తరలించాడు థైక్. ఆ తర్వాత తన స్నేహితుడి స్కూటర్ పై పారిపోయేందుకు ప్రయత్నించాడు. ఈ క్రమంలోనే థైక్ పై దాడి జరిగినట్లు ఇండిజీనియస్​ ట్రైబల్​ లీడర్స్​ ఫార్మ్​ సభ్యురాలు మేరీ వెల్లడించారు. మరోవైపు థైక్​ బంధువులు పోలీసులను ఆశ్రయించారు. ఘటనపై ఎఫ్​ఐఆర్​ దాఖలైంది. కానీ పోలీసులు ఇంకా ఈ ఘటనపై స్పందించలేదని బంధువులు చెబుతున్నారు.

అటు ఇద్దరు మహిళలను వివస్త్రలను చేసిన ఘటనపై మణిపూర్ లో ప్రజాగ్రహం వ్యక్తమవుతోంది. నిందితులను కఠినంగా శిక్షించాలని కోరుతూ జనం ఆందోళనలు చేస్తున్నారు. ఉఖ్రుల్ జిల్లాలో పెద్ద ఎత్తున మహిళలు మౌన పోరాటానికి దిగారు.

Share

• 
• 
• 
• 
• 
•