Amritpal singh: వారిస్ పంజాబ్ దే చీఫ్ అమృతపాల్ సింగ్ భార్య కిరణ్దీప్ కౌర్ను పంజాబ్ పోలీసులు అదుపులోకి తీసుకున్నారు. దేశం విడిచి వెళ్లేందుకు అమృత్సర్ ఎయిర్పోర్టుకు చేరుకున్న కిరణ్ దీప్కౌర్.. లండన్ విమానం ఎక్కేందుకు ప్రయత్నించగా పోలీసులు అరెస్ట్ చేశారు. UKకి చెందిన ఎన్నారై కిరణ్దీప్ కౌర్ ఇటీవల అమృతపాల్ సింగ్ను వివాహం చేసుకున్నారు. అమృత్పాల్ సింగ్ కొన్నాళ్లుగా పోలీసుల నుంచి తప్పించుకొని తిరుగుతున్నారు.
అమృతపాల్ సింగ్ ఆచూకీ గురించి తనకు తెలియదని ఇన్నాళ్లు చెబుతూ వచ్చిన కిరణ్దీప్ కౌర్.. ఇప్పుడు భారత్ విడిచి వేళ్లేందుకు ప్రయత్నించడం కలకలం రేపుతోంది. అమృత్పాల్ కార్యకలాపాలకు కిరణ్దీప్ మద్దతు ఉందన్న ఆరోపణలు ఉన్నాయి. పారిపోయిన వ్యక్తిని అదుపులోకి తీసుకోవడానికి పోలీసులు ప్రయత్నిస్తున్న విధానం చట్టవిరుద్ధమని కిరణ్దీప్ కౌర్ గతంలో ఆరోపించారు.