Curry Leaves: కరివేపాకు ఆరోగ్యానికి చాలా మేలు చేస్తుంది. కరివేపాకు ఆహారంలో భాగంగా చేసుకోవడం వల్ల అనేక ప్రయోజనాలను అందిస్తుంది. కరివేపాకు జుట్టు, చుండ్రు వంటి సమస్యలను తగ్గిస్తుంది. అంతే కాకుండా చర్మం గ్లోను పునరుద్ధరించడంలో కూడా ఉపయోగకరంగా ఉంటుంది. జీర్ణ సంబంధ సమస్యలతో బాధపడేవారు కరివేపాకు తప్పకుండా తీసుకోవాలి. కరివేపాకు రక్తంలో చక్కెర స్థాయిని నియంత్రించడంలో కూడా సహాయపడుతుంది.
ప్రతి ఒక్కరి వంటగదిలో కరివేపాకు ముఖ్యమైంది. ఆహారం రుచిని పెంచడమే కాకుండా వ్యాధులను దూరం చేసే ఎన్నో ఔషధ గుణాలు వీటిలో ఉన్నాయి. కరివేపాకు నూనె, కరివేపాకు పేస్ట్ కూడా చాలా ఉపయోగకరంగా ఉంటాయి.
కరివేపాకు యొక్క 5 ప్రయోజనాలు :
జీర్ణవ్యవస్థను బలపరుస్తుంది:
జీర్ణ సమస్యలతో బాధపడేవారు కరివేపాకును తినాలి. కరివేపాకులో జీర్ణక్రియను మెరుగుపరిచే జీర్ణ ఎంజైములు ఉంటాయి. ఇవి మలబద్ధకం, అసిడిటీ, అజీర్ణం వంటి సమస్యల నుంచి ఉపశమనాన్ని కలిగిస్తాయి.
రక్తంలో చక్కెరను నియంత్రిస్తుంది:
కరివేపాకు తినడం వల్ల మధుమేహ రోగులకు ప్రయోజనకరంగా ఉంటుంది. కరివేపాకులో ఉండే సమ్మేళనాలు రక్తంలో చక్కెర స్థాయిలను నియంత్రించడంలో సహాయపడతాయి. ఇది రక్తంలో చక్కెర పెరుగుదల ప్రమాదాన్ని తగ్గిస్తుంది.
గుండెకు మంచిది:
కరివేపాకులో యాంటీ ఆక్సిడెంట్లు ఉంటాయి. ఇవి గుండె జబ్బుల ప్రమాదాన్ని తగ్గిస్తాయి. ఇవి రక్తపోటును నియంత్రించడంతో పాటు గుండె సక్రమంగా కొట్టుకునేలా చేయడంలో కూడా సహాయపడతాయి.
చర్మానికి మేలు చేస్తుంది:
కరివేపాకులో యాంటీ ఇన్ఫ్లమేటరీ గుణాలు ఉన్నాయి. ఇవి చర్మ మంటను తగ్గించడంలో సహాయపడతాయి. ఇవి మొటిమలు, ఇతర చర్మ సమస్యలను ఎదుర్కోవడంలో కూడా సహాయపడతాయి.
Also Read: 7 రోజులు దానిమ్మ తింటే ఏం జరుగుతుందో తెలుసా ?
జుట్టుకు మేలు చేస్తుంది:
కరివేపాకులో యాంటీ ఫంగల్ లక్షణాలు ఉన్నాయి. ఇవి చుండ్రు, జుట్టు రాలడం వంటి జుట్టు సమస్యలను తగ్గించడంలో సహాయపడతాయి. కరివేపాకు నూనె జుట్టును బలోపేతం చేయడానికి, మెరిసేలా చేయడానికి కూడా సహాయపడుతుంది.