Dehydration:మన శరీరం సక్రమంగా పనిచేయాలంటే నీరు చాలా అవసరం. 70 శాతం మన శరీరం నీటితోనే ఉంటుంది. అవ‌య‌వాల‌న్నీ స‌వ్యంగా ప‌నిచేయాలంటే శ‌రీరానికి హైడ్రేష‌న్ అవ‌స‌రం. శ‌రీర ప‌నితీరు సరిగా ఉండేందుకు అవ‌య‌వాలు, క‌ణాలు, టిష్యూస్ నీటిని తీసుకుని శారీర‌క ధ‌ర్మం స‌వ్యంగా ఉండేలా చూసుకుంటాయి. చాలా మంది ఎండాకాలంలోనే నీరు బాగా తీసుకుని ఆ తర్వాత త‌గినంత నీరు తాగ‌డంలో నిర్లక్ష్యం చేస్తుంటారు. సీజన్‌తో సంబంధం లేకుండా బాడీని డీహైడ్రేట్‌ కాకుండా చూసుకోవాలని నిపుణులు అంటున్నారు. నోరు త‌డారిపోవ‌డం, తీవ్ర అల‌స‌ట‌, నిస్సత్తువ‌, మూత్రం త‌క్కువ‌గా రావ‌డంలాంటి హైడ్రేష‌న్ ల‌క్షణాల‌ను ప‌సిగ‌డుతూ త‌గినంత నీరు తీసుకోవాలి. చ‌లికాలంలో కొద్దిగా నీరు తీసుకున్నా ఒకేసారి కాకుండా రోజంతా అప్పుడప్పుడు నీటిని తాగుతూ ఉండాలి. రోజుకు నాలుగు క‌ప్పుల గ్రీన్‌టీ, రెండు బౌల్స్ సూప్ తీసుకోవ‌డం వల్ల కూడా డీహైడ్రేష‌న్‌ తగ్గించుకోవచ్చు. ఉదయం గోరువెచ్చని నీటిలో తేనె, నిమ్మరసం కలిపి తీసుకుంటే అజీర్తి, మ‌ల‌బ‌ద్ధకం నుంచి బయటపడటమే కాకుండా శ‌రీరం హైడ్రేట్‌గా ఉంచుకోవచ్చు. అంతేకాకుండా జ‌లుబు, ఫ్లూ వంటి ఇన్ఫెక్షన్లతో పోరాడి ఇమ్యూనిటీ ఇస్తుంది.

Share

• 
• 
• 
• 
• 
•