Stammering Facts : చిన్న పిల్లలు ఎక్కువగా నత్తిగా మాట్లాడుతుంటారు. అంటే మాటలు తడబడుతుంటాయి. ఇలా మాట్లాడటం అనేది న్యూరో డెవలప్ మెంటల్ సమస్య. ఇది
చిన్నపిల్లల్లో 2 నుంచి 6 సంవత్సరాల మధ్యలో కనిపిస్తుంది. పెద్దల్లో అయితే ఈ సమస్య 1 శాతంగా ఉంటుంది. 8 శాతం మంది పిల్లలు ఏదో ఒక సమయంలో నత్తిగా మాట్లాడతారని నిపుణులు చెబుతున్నారు. ఈ సమస్య వయసు పెరిగేకొద్ది తగ్గిపోతుంది. కొందరిలో మాత్రం ఇది తీవ్రంగా ఉంటుంది.

పిల్లలు నత్తిగా మాట్లాడటం తల్లిదండ్రులకు బాధించే విషయం. ఈ సమస్యకు స్పీచ్ థెరపీతో కొంత వరకు పరిష్కారం చూపొచ్చు. చాలామంది అనేక ప్రయత్నాలు చేస్తుంటారు. కానీ ఈ ప్రయత్నాల వల్ల నత్తి పూర్తిగా నయమవుతుందా అనేది ప్రశ్నగానే ఉంది. కొంతమంది పిల్లలు మాట్లాడేటప్పుడు బాగా తడబడతారు. చెప్పాలనుకున్నది అనర్గళంగా చెప్పలేరు.

READ MORE : ఈ ప్రదేశంలో తరచూ నొప్పి ఉంటుందా.. బ్రెయిట్ ట్యూమర్ కావొచ్చు!

ఇది కుటుంబం నుంచి జన్యుపరంగా వచ్చే సమస్య అని గుర్తుంచుకోండి. మీ కుటుంబంలో ఎవరికైనా ఈ సమస్య ఉంటే వారసత్వంగా వచ్చే అవకాశాలు ఎక్కువగా ఉన్నాయి.కానీ దీనిని అధ్యయనాలు పూర్తిగా స్పష్టం చేయలేదు. ఎందుకంటే కవలల్లో ఒకరికి నత్తి ఉంటే.. మరొకరికి ఉండకపోవచ్చు.

నత్తిగా మాట్లాడేవారిలో బ్రెయిన్ పనితీరులో కొన్ని స్వల్పమైన తేడాలు ఉంటాయి. ఈ విషయాన్ని కొన్ని బ్రెయిన్ ఇమేజింగ్ అధ్యయనాలు వెల్లడించాయి. మెదడులోని కొన్ని భాగాల నిర్మాణంలో చిన్నపాటి తేడాలు కూడా ఇందుకు కారణం కావచ్చు.

నత్తి మూడు రకాలు

• స్వల్పం ఉండటం
• మధ్యస్థంగా ఉండటం
• తీవ్రంగా ఉండటం

నత్తి సమస్య పిల్లల్లో మధ్యస్థంగా ఉంటే.. త్వరగానే కోలుకుంటారు. ఇలా ఉన్న వారు 4 నుంచి 5 నెలలు థెరపీ తీసుకుంటే సరిపోతుందని వైద్యులు చెబుతున్నారు. నత్తి సమస్య తీవ్రంగా ఉన్న పిల్లలకు చికిత్స అందించడం కాస్త కష్టతరంగా ఉంటుంది. ఈ సమస్య అనేది 30 నుంచి 40 శాతం వరకు నయం అయ్యే అవకాశం ఉంది. థెరపీ, ఇతర ప్రయత్నాల ద్వారా తగ్గించొచ్చు.

READ MORE : పిల్లలతో మీరు నిద్రిస్తున్నారా.. మీకో హెచ్చరిక..!

నత్తి రావడానికి అనేక కారణాలు ఉన్నాయి. కొన్ని సందర్భాల్లో భయం వ్లల కూడా ఈ సమస్య రావొచ్చు. దీని ప్రభావాన్ని కూడా తగ్గించొచ్చు.

నత్తి ఉన్న వారితో ఎలా వ్యవహరించాలి

• వారు చెబుతున్న మాటలను త్వరగా ముగించేందుకు ప్రయత్నించవద్దు.
• వారు మాట్లాడేటప్పుడు మధ్యలో వెళ్లొద్దు.
• సహనంగా ఉండాలి.
• త్వరగా లేదా చిన్నగా మాట్లాడాలని అడగవద్దు.
• వారు మాట్లాడేటప్పుడు కళ్లలోకే చూడండి.
• వారు ఎలా చెబుతున్నారో వినండి.
• ఏం చెబుతున్నారనే దానిపై శ్రద్ధ పెట్టండి.
• పిల్లలతో నిదానంగా మాట్లాడండి.
• చిన్న చిన్న వాక్యాలను వాడండి.
• వారికి సులభతరమైన భాషలోనే మాట్లాడండి.
• మీరు చెప్పేదాన్ని అర్థం చేసుకునేందుకు వారికి సరిపడా సమయం ఇవ్వండి

Disclaimer : ఈ కథనాన్ని పలు అధ్యయనాల ఆధారంగా, ఆరోగ్య నిపుణుల సలహా మేరకు అందిస్తున్నాం. దీనిని కేవలం అవగాహనగా మాత్రమే భావించండి.

Share

• 
• 
• 
• 
• 
•