Belly Fat: ప్రస్తుతం చాలా మంది అధిక బరువు సమస్యతో ఇబ్బంది పడుతున్నారు. ముఖ్యంగా మారిన జీవన శైలితో పాటు అనారోగ్య సమస్యలు కూడా బరువు పెరగడానికి కారణం. ఇవే కాకుండా మరెన్నో కారణాలు బరువు పెరిగేలా చేస్తాయి. పెరిగిన బరువును తగ్గించుకోవడానికి నానాపాట్లు పడుతుంటారు. కొందరుజిమ్‌లకు వెళ్తుంటే మరికొందరు పక్కా డైట్ ఫాలో అవుతుంటారు. ఇలాంటి వారు కొన్ని రకాల డ్రింక్స్ తాగడం వల్ల మంచి ప్రయోజనం ఉంటుంది. ఎలాంటి సైడ్ ఎఫెక్ట్స్ లేకుండానే ఈజీగా బరువు తగ్గించుకోవచ్చు.

పుదీనా నీరు: పుదీనా జీర్ణక్రియను మెరుగుపరచడంతో పాటు కడుపులోని గ్యాస్‌ను తగ్గించడంలో సహాయపడుతుంది. కొన్ని పుదీనా ఆకులను నీటిలో వేసి మరిగించి వడపోసి త్రాగవచ్చు. ఇలా తరుచుగా త్రాగడం వల్ల కొద్ది రోజుల్లోనే మీ బరువు తగ్గుతుంది.

గ్రీన్ టీ : గ్రీన్ టీలో యాంటీ ఆక్సిడెంట్లు ఉంటాయి.ఇవి బరువు తగ్గించడంలో సహాయపడతాయి. మీరు రోజుకు రెండు నుండి మూడు కప్పుల గ్రీన్ టీ తాగవచ్చు. బరువు తగ్గాలని అనుకునే వారికి ఈ డ్రింక్ చాలా బాగా ఉపయోగపడుతుంది.

పండ్ల రసం :నారింజ, ద్రాక్ష, ఆపిల్ వంటి పండ్ల రసాలలో విటమిన్లు , ఖనిజాలు పుష్కలంగా ఉంటాయి. ఈ జ్యూస్‌లు మీ శరీరాన్ని పోషించి, బరువు తగ్గడంలో సహాయపడతాయి.

కూరగాయల రసాలు: క్యారెట్, దుంపలు, దోసకాయలు వంటి కూరగాయల రసాలలో ఫైబర్ పుష్కలంగా ఉంటుంది. ఇది మీ కడుపు ఎక్కువసేపు నిండుగా ఉన్న భావనను కలిగిస్తుంది.

పెరుగు: పెరుగులో ప్రోబయోటిక్స్ ఉంటాయి. ఇవి జీర్ణక్రియను మెరుగుపరుస్తాయి. అంతే కాకుండా బరువు తగ్గించడంలో సహాయపడతాయి. మీరు పండ్లు లేదా గింజలు కలిపి కూడా పెరుగు తీసుకోవచ్చు. ఇదే కాకుండా మజ్జిగ చేసి త్రాగవచ్చు.

బరువు తగ్గేందుకు ఈ చిట్కాలు కూడా సహాయపడతాయి:

పుష్కలంగా నీరు త్రాగాలి: రోజంతా తగినంత నీరు త్రాగాలి.

సరైన ఆహారం తీసుకోండి  : ఆహారంలో పండ్లు, కూరగాయలు, తృణధాన్యాలు చేర్చుకోండి.

క్రమం తప్పకుండా వ్యాయామం చేయండి: ప్రతిరోజు కనీసం 30 నిమిషాలు వ్యాయామం చేయండి.

ఒత్తిడిని తగ్గించండి: బరువు పెరగడానికి ఒత్తిడి ఒక ముఖ్యమైన కారణం. యోగా, ధ్యానం చేయడం వల్ల ఒత్తిడి తగ్గుతుంది.

సరైన నిద్ర: రాత్రికి కనీసం 7-8 గంటలు నిద్రపోండి.

ఈ డ్రింక్ త్రాగితే కలిగే మరిన్ని ప్రయోజనాలు:

జీర్ణక్రియను మెరుగుపరుస్తుంది: ఈ డ్రింక్స్‌లో ఉండే ఎంజైమ్‌లు, ఫైబర్ జీర్ణక్రియను మెరుగుపరచడంలో సహాయపడతాయి.

జీవక్రియను పెంచుతుంది: ఈ డ్రింక్స్ మీ జీవక్రియను పెంచడం ద్వారా కేలరీలను బర్న్ చేయడంలో సహాయపడతాయి .

టాక్సిన్స్ తొలగించడం: శరీరం నుండి వ్యర్థ పదార్థాలను తొలగించడంలో సహాయపడతాయి.

హైడ్రేషన్పు: ష్కలంగా నీరు త్రాగడం వల్ల శరీరం హైడ్రేట్ గా ఉంటుంది. బరువు తగ్గడంలో కూడా సహాయపడుతుంది.

Also Read: చిగుళ్ల నుంచి రక్తం కారుతోందా ? ఇలా చేస్తే సమస్య దూరం

కొవ్వును తగ్గించడానికి కొన్ని ప్రభావవంతమైన డ్రింక్స్:

నిమ్మకాయ నీరు- నిమ్మకాయలో విటమిన్ సి ఉంటుంది.ఇది రోగనిరోధక శక్తిని పెంచుతుంది. అంతే కాకుండా జీవక్రియను పెంచుతుంది. గోరువెచ్చని నీటిలో నిమ్మరసం పిండుకుని తాగడం వల్ల మీ జీర్ణశక్తి మెరుగుపడుతుంది . ఫలితంగా మీ బరువు కూడా తగ్గుతుంది.

అల్లం నీరు- అల్లంలో యాంటీ ఇన్‌ఫ్లమేటరీ లక్షణాలు ఉన్నాయి. ఇవి జీర్ణక్రియను మెరుగుపరుస్తాయి.అంతే కాకుండా బరువు తగ్గడంలో సహాయపడతాయి. గోరువెచ్చని నీళ్లలో అల్లం ముక్కను మరిగించి వడపోసి తాగడం వల్ల ఈజీగా బరువు తగ్గుతుంది.

Share

• 
• 
• 
• 
• 
•