Clove Oil : తరచూ చాలా మంది పంటి సమస్యలతో బాధపడుతుంటారు. ఉదయాన్నే పళ్లు తోడుకునే సమయం నుంచే రోజంతా రకరకాల దంత సమస్యలు ఎదురవుతుంటాయి. ముఖ్యంగా పిప్పళ్లు, పంటి నొప్పి, దంతాల నుంచి రక్తస్రావం, ఇన్పెక్షన్లు, పళ్లు పుచ్చిపోవడం, చిగుళ్ల వాపు, దంతాల్లో పగుళ్లు వంటి రకరకాల సమస్యలతో బాధపడుతుంటారు. అయితే ఇలాంటి సమస్యలతో బాధపడే వారికి వంటింటి చిట్కాలు అద్భుతంగా పనిచేస్తాయని ఆరోగ్య నిపుణులు సూచిస్తున్నారు. మరి ఆ చిట్కాలు ఏంటో ఇప్పుడు తెలుసుకుందాం.
శరీరంలో కొన్ని సమస్యలు బయటకు కనిపించకుండానే ఇబ్బందులకు గురిచేస్తుంటాయి. అందులో ముఖ్యంగా పళ్ల సమస్య ఒకటి. పళ్ల సమస్య తలెత్తిందంటే అది శరీరం అంతా సమస్యగా మారుతుంది. ఎందుకంటే పంటి నొప్పితో తరచూ బాధపడుతూ సరిగా ఆహారం తినకుండా ఉండడం వల్ల నిరసానికి గురవుతుంటాం. దీని వల్ల శరీర సమస్యలకు దారితీస్తుంది. అయితే పండ్ల సమస్యలు తలెత్తినప్పుడు వైద్యులను సంప్రదిస్తుంటారు. మరి కొంతమంది తగ్గిపోతుందనే అపోహతో చూస్తూ ఉంటారు. అయితే ఇలాంటి సమస్యలతో బాధపడేవారు ఇంట్లో దొరికే లవంగాలను ఔషధంలా వాడుకోవచ్చు.
లవంగాలతో నూనెను తయారుచేసుకుని పంటినొప్పి ఉన్న చోట రాసుకోవడం వల్ల మంచి ఫలితాలు ఉంటాయి. లవంగాల నూనెతో యాంటీ ఫంగల్, ఇన్ ఫ్లమేటరీ, బ్యాక్టీరియల్ వంటి లక్షణాలు పుష్కలంగా ఉంటాయి. అందువల్ల లవంగాల నూనెను పంటికి రాయడం వల్ల పంటి ఆరోగ్యం మెరుగవుతుంది. అంతేకాదు చిగుళ్ల సమస్యకు కూడా లవంగాల నూనె అద్భుతంగా పనిచేస్తుంది. నొప్పి, ఇన్ఫెక్షన్ వంటి లక్షణాల నుంచి ఉపశమనం ఇస్తుంది. అయితే లవంగాల నూనె జాగ్రత్తగా అప్లై చేసుకోవాలి. దూదిని ఉపయోగించి లవంగాల నూనెను నొప్పి ఉన్న చోట రాయడం వల్ల ఉపశమనం కలుగుతుంది.