Whatsapp: ప్రముఖ మెసేజింగ్ యాప్ వాట్సాప్ తమ యూజర్ల సెక్యురిటీ, ఇతర అంశాలను దృష్టిలో ఉంచుకొని ఎప్పటికప్పుడు కొత్త కొత్త ఫీచర్లను తెస్తుంది. ఇప్పటికే ఎన్నో రకాలైన ఫీచర్లను తమ యూజర్లకు అందించింది. తాజాగా మరో అదిరిపోయే ఫీచర్ను తీసుకొస్తుంది.
యూజర్ల కళ్ళకు ఎఫెక్ట్ పడకుండా ఉండేందుకు వీలుగా ఈ ఫీచర్ను తీసుకొస్తుంది. ప్రస్తుతం వాట్సాప్ బీటా వెర్షన్లో ఈ ఫీచర్ను టెస్టింగ్ దశలో ఉంచారు. కాగా కళ్లపై ఒత్తిడి పడకుండా ఉండడానికి ఇప్పటికే వాట్సాప్లో డార్క్ మోడ్ ఆప్షన్ అందుబాటులో ఉంది. అయితే దీనిని అప్డేట్ చేయాలని వాట్సాప్ చూస్తోంది.
వాట్సాప్ వెబ్లో కొత్త కలర్స్, టాప్ బార్, బ్యాక్గ్రౌండ్, మెసేజ్ బబుల్స్లో కలర్ స్కీమ్, సైడ్బార్ను మరింత ఆధునికంగా రీడిజైన్ చేస్తున్నారు. దీని కారణంగా తక్కువ కాంతిని ఇచ్చే విధంగా అప్డేట్ చేసినట్లు తెలుస్తోంది. త్వరలోనే ఈ ఫీచర్ను అందుబాటులోకి తీసుకురానున్నారు. ఇక ముందు ఇంకా మరెన్నో ప్రైవసీ ఫీచర్స్ను తీసుకురావాలనే యోచనలో వాట్సాప్ ఉంది.