Artemis : నాసా ప్రతిష్ఠాత్మకంగా చేపట్టిన ఆర్టెమిస్‌-1 యాత్ర విజయవంతంగా కొనసాగుతోంది. తాజాగా ఓరియన్‌ క్యాప్సుల్‌ చంద్రుడి ఉపరితలంపై 81 మైళ్ల ఎత్తులో దూసుకెళ్లి.. పెద్దకక్ష్యలోకి ప్రవేశిస్తోంది. ఇది గంటకు 5,102 మైళ్ల వేగంతో ప్రయాణిస్తోంది. ఈ క్రమంలో 34 నిమిషాలపాటు భూమితో సంబంధాలు తెగిపోయాయి. ఎందుకంటే చంద్రుడికి అవతలవైపు ఈ ప్రక్రియ జరగడంతో ఇలా జరిగినట్లు శాస్త్రవేత్తలు వెల్లడించారు. ఆర్టెమిస్‌-1 విజయవంతమైందని నాసా ప్రకటించింది. అక్కడి నుంచి తీసిన చిత్రాలను ఒరియన్‌ క్యాప్సుల్‌ పంపింది. ఈ ఫోటోలో భూమి చిన్న నీలం చుక్కలా కనిపిస్తోంది.

ఒరియన్‌ పంపిన సెల్ఫీలను ఇటీవల నాసా షేర్‌ చేసింది. దాదాపు 50 ఏళ్ల తర్వాత తొలి స్పేస్‌ క్యాప్సుల్‌ చంద్రుడి మీదకు వెళ్లింది. రెండునెలలపాటు వాయిదాపడిన నాసా ఆర్టెమిస్‌-1 ప్రయోగం ఎట్టకేలకు గత బుధవారం మొదలైంది. సాంకేతిక లోపాలను సరిదిద్ది ఫ్లోరిడాలోని కెనడీ అంతరిక్ష కేంద్రం నుంచి చరిత్రలోనే అత్యంత శక్తిమంతమైన రాకెట్‌ను ప్రయోగించారు.

Share

• 
• 
• 
• 
• 
•