Smart Toilets : ఈరోజుల్లో మనుషులంతా చాలావరకు తమ ఆరోగ్య సమస్యల గురించి ఇంట్లో ఉండే తెలుసుకోవాలని అనుకుంటున్నారు. దానికోసమే వారు స్మార్ట్ డివైజ్‌లపై ఆధారపడుతున్నారు. కానీ అన్ని ఆరోగ్య సమస్యల గురించి అలా తెలుసుకోవడం సులభం కాదు.. కొన్నింటి కోసం ఆసుపత్రులకు వెళ్లాలి. టెస్టులు చేయించుకోవాలి. ఆ టెస్టుల రిజల్ట్ వచ్చేవరకు ఎదురుచూడాలి. అలా కాకుండా ఉండడం కోసమే కొత్త రకమైన టాయిలెట్లు అందుబాటులోకి వస్తున్నాయి.

యూరాలాజికల్ సమస్యలను ఇంట్లోనే కనిపెట్టడం కోసం స్మార్ట్ టాయిలెట్లను తయారు చేసింది ఒక స్మార్టప్ కంపెనీ. ఈరోజుల్లో బీపీ, గ్లూకోజ్ లెవల్స్ వంటి విషయాలను కనుక్కోవడానికి ఇంట్లోనే ఎన్నో రకాల ఆప్షన్స్ అందుబాటులో ఉన్నాయి. అలాగే యూరాలాజికల్ హెల్త్ బాగుందా లేదా, దానికి సంబంధించిన ఏమైనా ఆరోగ్య సమస్యలు ఉన్నాయా అనే విషయాన్ని తెలుసుకోవడం కోసం ఈ టాయిలెట్లను తయారు చేస్తున్నట్టు కేర్‌టెక్ హ్యూమన్ కంపెనీ బయటపెట్టింది.

ఈరోజుల్లో ప్రపంచవ్యాప్తంగా డయాబెటీస్ ద్వారా ఎంతమంది బాధపడుతున్నారో.. యూరాలాజికల్ సమస్యల వల్ల కూడా అంతేమంది బాధపడుతున్నారని నిపుణులు చెప్తున్నారు. కానీ డయాబెటీస్ గురించి తెలుసుకున్నంత సులువుగా ఈ సమస్యల గురించి తెలుసుకోవడం కుదరదని అన్నారు. అందుకే కేర్‌టెక్ హ్యామన్ కంపెనీ టాయిలెట్ మీద ఇన్‌స్టాల్ చేయగలిగే ఒక చిన్న పరికరాన్ని తయారు చేస్తున్నారు. ఇది మనిషి యూరిన్‌కు సంబంధించిన ప్రతీ ఒక్క సమాచారాన్ని కలెక్ట్ చేస్తూ ఉంటుంది. యూరాలాజికల్ సమస్యల గురించి తెలుసుకోవడం కోసం ఈ డేటా అనేది ఉపయోగకరంగా మారుతుంది.

స్మోక్ డిటెక్టర్ లాంటి టెక్నాలజీతో ఈ టాయిలెట్ పరికరం పనిచేస్తుందని కేర్‌టెక్ హ్యామన్ కంపెనీ యాజమాన్యం తెలిపింది. ప్రతీ ఒక్క హెల్త్ ప్యారామీటర్‌ను ఈ పరికరం పాటిస్తుందని చెప్పింది. మనుషుల యూరాలాజికల్ సమస్యల గురించి తెలుసుకోవడానికి ఈ పరికరంలో రికార్డ్ అయ్యే డేటా ఉపయోగకరంగా ఉంటుందని కంపెనీ భావిస్తోంది. ఎమర్జెన్సీ సమయాల్లో కూడా ఈ డేటా ఉపయోగపడుతుందని చెప్తుంది. టాయిలెట్స్ అనేది హెల్త్ మానిటర్స్‌గా పనిచేయడం అనేది ఇదే మొదటిసారి అని కేర్‌టెక్ హ్యామన్ అంటోంది.

Share

• 
• 
• 
• 
• 
•