Radish : ముల్లంగి.. ఇది చలికాలంలో విరివిగా లభిస్తుంది. ఇందులో విటమిన్లు ఎ, బి, సి, ప్రోటీన్, ఐరన్‌, కాల్షియంలాంటి ఖనిజాలు ఎన్నో ఉన్నాయి. ముల్లంగి జీర్ణక్రియకు చాలా మంచిది. అందుకే దీన్ని ఎక్కువ మంది చలికాలంలో తినేందుకు మక్కువ చూపుతారు. చాలా మంది ముల్లంగితో పచ్చడి కూడా చేస్తారు. ఇది గ్యాస్ట్రిక్ సమస్యలను దరిచేరనీయదు. అయితే ముల్లంగిని తీసుకునేటప్పుడు కొన్ని ఆహారపదార్థాలు, పానీయాలు అస్సలు తీసుకోవద్దని నిపుణులు అంటున్నారు. అలా చేస్తే ప్రాణాలకే ప్రమాదం అంటున్నారు. ముల్లంగి తిన్న తర్వాత, ముందు టీ తాగడం ఆరోగ్యానికి మంచిది కాదు. ఇలా చేస్తే మలబద్దకం పెరిగి ఆమ్లత్వానికి కారణం అవుతుంది. ఎందుకంటే ముల్లంగి, మూలి ప్రకృతిలో చల్లగా ఉంటుంది. టీ వేడిగా ఉంటుంది కాబట్టి ఒకదానికొకటి పూర్తిగా వ్యతిరేకం. అందుకే టీ, ముల్లంగి కాంబినేషన్ మంచిది కాదని అంటున్నారు. ముల్లంగితో పాటు చేదు ఉండే కాకరకాయను తీసుకోవడం కూడా మంచిది కాదు. రెండింటిలో కనిపించే సహజ మూలకాలు ఒకదానితో కలవడం వల్ల ఆరోగ్యం పాడవుతుంది. దీంతో మీకు శ్వాస సమస్యలతో పాటు గుండె సంబంధిత సమస్యలు వస్తాయి. ముల్లంగితో పాటు ఆరెంజ్‌ని తీసుకోవడం వల్ల కూడా ఆరోగ్యం పాడవుతుంది. వీటి కలయిక విషంలా పనిచేస్తుంది. చాలా మంది దోసకాయ, ముల్లంగి మంచి కాంబినేషన్ అనుకుంటారు. కానీ దోసకాయలో ఆస్కార్బేట్ ఉంటుంది. ఇది విటమిన్‌-సీని పీల్చుకునేలా చేస్తుంది. అలాగే ముల్లంగి తిన్న వెంటనే పాలు తాగడం మంచిదికాదని అంటున్నారు. ఎందుకంటే ముల్లంగి శరీరంలో వేడిని పెంచుతుంది. అది పాలతో కలిస్తే గుండెల్లో మంట, యాసిడ్ రిఫ్లక్స్ వచ్చి కడుపునొప్పి వస్తుంది. ముల్లంగి కూడా డీహైడ్రేషన్‌కి కారణం అవుతుంది. ఎక్కువగా ముల్లంగిని తీసుకుంటే శరీరంలో అధిక మూత్ర సమస్యకి కారణమవుతుంది. లోబీపి ఉంటే వారు ముల్లంగి తినకపోవడమే మంచిదని డాక్టర్లు చెబుతున్నారు.

Share

• 
• 
• 
• 
• 
•