Infections : ఇమ్యూన్ పవర్ ఎక్కువలేని వారు ఎక్కువగా రోగాల బారినపడుతుంటారు. మరికొందరు తాము ఆరోగ్యంగా ఉన్నా కూడా తమకు ఏదో సమస్య ఉందని అనుకుంటూ భయపడుతూ ఉంటారు. ఇలాంటి వారు అమెరికాలో ఎక్కువగా ఉంటారని సర్వేలో తేలింది. అయితే ఆరోగ్య సమస్యల గురించి ఆసుపత్రిల వెంట తిరగడం కూడా అంత మంచిది కాదని తాజాగా చేసిన పరిశోధనల్లో తేలింది. అవి కొందరిని ఇన్ఫెక్షన్స్ బారినపడేస్తాయని తెలుస్తోంది.
అమెరికన్లు ఏడాదికి 33.4 మిలియన్ల సార్లు ఆసుపత్రిలో అడ్మిట్ అవుతారు. ఒక బిలియన్ సార్లు డాక్టర్లను కలుస్తుంటారు. అయితే ఆసుపత్రిలో ఉపయోగించే ప్రతీ మెడికల్ పరికరం శుభ్రంగా, క్రిమిరహితంగా ఉండాలి. రక్తపరీక్ష కోసం సూదులు గానీ, సర్జరీకి ఉపయోగించే టూల్స్ గానీ క్రిములకు దూరంగా, పరిశుభ్రంగా ఉండాలి. ఒకవేళ ఇవి పరిశుభ్రంగా లేకపోతే.. ప్రాణాంతకమైన ఇన్ఫెక్షన్స్కు దారితీస్తాయి. ఆసుపత్రి అంటేనే వ్యాధులతో నిండిపోయి ఉంటుంది. అలాంటి సమయంలో ఇన్ఫెక్షన్స్ అంటే పరిణామాలు మరీ దారుణంగా ఉంటాయి. అలాంటప్పుడే ఎథిలిన్ ఆక్సైడ్ రంగంలోకి దిగుతుంది.
ఎథిలిన్ ఆక్సైడ్ గ్యాస్ (ఈటో) అనేది మెడికల్ పరికరాలను శుభ్రపరచడానికి ఉపయోగపడుతుంది. అమెరికాలో ప్రతీ సంవత్సరం ఈటో సాయంతో 20 బిలియన్ మెడికల్ పరికరాలను శుభ్రపరుస్తారు. మెడికల్ పరికరాలు శుభ్రం చేయడానికి మరెన్నో పద్ధతులు కూడా ఉన్నాయి. కానీ వాటన్నింటికంటే ఎథిలిన్ ఆక్సైడ్ గ్యాస్ మెరుగ్గా పనిచేస్తుంది. ఈ విషయాన్ని నిరూపించడానికి అనేక ఆధారాలు కూడా ఉన్నాయి. ఎన్నో విధాలుగా ఎథిలిన్ ఆక్సైడ్ స్టెరిలైజేషన్ మెడికల్ పరికరాలను కాపాడుతుంది.
ఎథిలిన్ ఆక్సైడ్ అనేది మెడికల్ పరికరాలను స్టెరిలైజ్ చేయడానికి ఉపయోగపడుతుందని తెలిసిన విషయమే. కానీ తాజాగా దీని వల్ల కలిగే పరిణామాలు చర్చనీయాంశం అయ్యాయి. ఎటో ఎమిషన్స్ వల్ల క్యాన్సర్ ఏర్పడే అవకాశాలు ఉన్నాయని కొందరు వాదన మొదలుపెట్టారు. అయితే ఎటో అనేది పరిసర ప్రాంతాలకు ముప్పు కలిగిస్తుంది కానీ అది ఎక్కువశాతం కాదు అని మరికొందరి వాదన. కానీ ఎథిలిన్ లేకపోతే మెడికల్ పరికరాల స్టెరిలైజేషన్ సరిగ్గా జరగదని అందుకే దీని వల్ల ఎలాంటి నష్టాలు జరుగుతాయో పూర్తిస్థాయిలో గమనించాలని శాస్త్రవేత్తలు నిర్ణయించుకున్నారు.