ORR Accident : హైదరాబాద్ ఔటర్ రింగ్రోడ్ పై ప్రమాదం జరిగింది. ఆదిభట్ల దగ్గర కారులో మంటలు ఎగిసిపడి వ్యక్తి సజీవదహనం అయ్యాడు. కారు కోదాడ చెందిన వ్యక్తిగా గుర్తించారు. కోదాడ చెందిన వెంకటేష్గా పోలీసులు అనుమానిస్తున్నారు. పోలీసులు.. కారు నెంబర్ ఆధారంగా కుటుంబ సభ్యులకు సమాచారం ఇచ్చారు. వెంకటేష్ నిన్న సాయంత్రం కోదాడ నుంచి హైదరాబాద్ బయలుదేరాడు.
ఔటర్ రింగ్ రోడ్ సమీపంలో కార్ నిలిపి ఉన్న సమయంలో అగ్నిప్రమాదం జరగడంతో అందులోనే సజీవ దహనమయ్యాడు. సమాచారం అందుకున్న పోలీసులు ఘటనా ప్రాంతాన్ని పరిశీలించారు. కారును ఎవరైనా తగలబెట్టారా లేక ప్రమాదవశాత్తు తగలబడిందా అన్న కోణంలో కూడా విచారణ చేస్తున్నారు. ప్రమాద ఘటనపై క్లూస్ టీం ఆధారాలు సేకరిస్తోంది. మృతుడిని పోస్టుమార్టమ్ కు తరలించారు. ఘటనపై కేసు నమోదు చేసి విచారణ చేస్తున్నారు.