House Flies : సాధారణంగా ఈగలపై మనం పెద్దగా శ్రద్ధ చూపం. అవి మన చుట్టూ జుయ్ అని తిరుగుతూనే ఉంటాయి. అవి మనం తినే ఆహారంపై వాలినప్పుడు మాత్రమే ఎక్కడలేని చికాకు వస్తుంది. లేదంటే వాటిని అసలు పట్టింకోము. ఈగలు మన మీద వాలినప్పుడు మాత్రమే వాటిని తరుముతాం. మీకు తెలుసా ఈగలు భయంకరమైన వైరస్లను మోస్తాయి. యునైటెడ్ స్టేట్ ఆఫ్ అమెరికా నేషనల్ ఇన్స్టిట్యూట్ ఆఫ్ హెల్త్ ప్రకారం.. కలరా, టైఫాయిడ్, విరేచనాలు, క్షయవాధి వంటి తీవ్రమైన వ్యాధులకు సంబంధించిన క్రిములకు ఈగలు బాధ్యత వహిస్తాయి.
అయితే మన కళ్ల మందున్న చూస్తూ ఉండిపోతాం. మనకున్న ఈ చెడు అలవాటే వ్యాధులకు దారితీస్తుంది. ముఖ్యంగా బజారుల్లో తినే ఆహారంపై కూర్చునే ఈగలు చాలా వ్యాధులకు నాంది పలుకుతాయి. కాబట్టి ఈగలు మనం తినే ఆహారంపై వాలినప్పుడు ఏం జరుగుందో ఒకసారి చూడండి.
ఇంటి ఆవరణలో తిరిగే ఈగలు క్రమం తప్పకుండా బహిర్భూమిలో పడి ఉన్న మలం, చెత్తాచెదారంపై వాలడం, మళ్లీ అవే ఇంట్లోకి వచ్చి.. ఆహార పదార్థాలపై ఉండటం తలచుకుంటేనే అసహ్యంగా ఉంటుంది. దీని వల్ల వ్యాధులు కూడా వస్తాయి. ఈగలు మలం, కుళ్లిన పదార్థాలను తింటాయి.
BMC పబ్లిక్ హెల్త్ జర్నల్ ప్రకారం.. క్రిములు ఈగల రెక్కలకు, మోత్ పార్టులు, ఇతర శరీర భాగాలకు అంటుకుని ఉంటాయి. మీరు తినే ఆహారంలో ఈగలు దిగినప్పుడు.. ఆ క్రిములను విడుదల చేస్తాయి. ఈ ఆహారం తీసుకుంటే అనారోగ్యానికి గురికావడం ఖాయం.
ఈగలు ఆహారం కూర్చుని తింటాయి. మీలో చాలా మంది అనుకుంటారు. ఈగలకు దంతాలు ఉండవు కదా.. ఆహారాన్ని ఎలా తింటాయి..? ఈగ ఆహారాన్ని తినడానికి మీ ఆహారంలో ఎంజైమ్ రిచ్ లాలాజలాన్ని ఉమ్మి వేస్తుంది లేదా వాంతి చేసుకుంటుంది.
ఆ లాలాజలం ఆహారాన్ని కరిగించే జీర్ణ ఎంజైమ్లను కలిగి ఉంటుంది. ఈగ ఆహారంలో పాక్షికంగా కరిగిన జీర్ణ ద్రవాల మిశ్రమాన్ని గ్రహిస్తుంది. ఈ ప్రక్రియ నిమిషాల సమయం పడుతుంది. ఈగలు మీ ఆహారంలో మలాన్ని కూడా విసర్జిస్తాయి. ఈగలు కూర్చున్నప్పుడు మాత్రమే మలవిసర్జన చేసి గుడ్లు పెడతాయి.
ఈగల నుంచి ఆరోగ్యాన్ని ఇలా రక్షించుకోండి..