Benefits Of Onion : మనం ఎక్కువగా ఉల్లి చేసే మేలు తల్లికూడా చేయదనే సామెత వింటూ ఉంటాం.. అక్షరాలా అది నిజం కూడా. ఉల్లితో మన ఆరోగ్యాన్నే కాదు అందాన్ని కూడా పెంచుకోవచ్చు. అదెలాగో ఇప్పుడు తెలుసుకుందాం. ఉల్లిపాయ కోస్తే కన్నీళ్లు మాత్రం ఖాయం, కానీ కంటి ఆరోగ్యాన్ని కాపాడటంతో ఉల్లి చేసే మేలు అంతాఇంతా కాదు.
మన చర్మసౌందర్యాన్ని పెంచుకోవడం కోసం బ్యూటీపార్లర్ల చుట్టూ తిరుగుతూ ఉంటాం. కానీ ఇంట్లోని ఉల్లిపాయని చక్కగా ఉపయోగిస్తే చర్మ సౌందర్యాన్ని రెట్టింపు చేసుకోవచ్చు. ఉల్లిలోని యాంటీ సెప్టిక్‌ గుణాలు చర్మ సమస్యలను నివారిస్తాయి. అంతేకాకుండా మచ్చలు కూడా తొలగిస్తాయి. ఉల్లిపాయ నుంచి తీసిన రసంలో ఆలివ్‌ ఆయిల్‌ కలిపి ముఖానికి ప్యాక్‌ వేసుకుంటే ముఖం మెరుస్తుంది. అంతేకాదు పిగ్మెంటేషన్‌ను కూడా ఉల్లిపాయ చక్కగా పోగొడుతుంది. పసుపులో ఉల్లిపాయ రసం కలిపి ముఖానికి రాసుకుంటే చర్మానికి నిగారింపు వస్తుంది. శెనగపిండిలో ఉల్లిరసం, పాలు కలిపి ముఖానికి రాసుకుంటే ముఖం తేటగా అవుతుంది. యూవీ కిరణాల వల్ల మన చర్మం దెబ్బతినకుండా ఉల్లిపాయలో ఉండే యాంటీ ఆక్సిడెంట్లు సమర్థంగా పనిచేస్తాయి. చర్మమే కాదు పెదాల సంరక్షణలో కూడా ఉల్లి బాగా ఉపయోగపడుతుంది. ఉల్లిపాయ రసం పెదాలకు పూస్తే ఎండిపోయిన పెదాలు మళ్లీ యథాతధ స్థితికి వస్తాయి. ప్రతిరోజు మనం తినే ఆహారంలో ఉల్లిపాయ ఉండేలా చూసుకుంటే కంటి సమస్యలు ఉండవని నిపుణులు చెబుతున్నారు.

Share

• 
• 
• 
• 
• 
•