Bangkok : థాయ్ లాండ్ అంటే బీచ్ లు, రిసార్టులు, మసాజ్ లు , షాపింగులే కాదు ఇంకో ప్రత్యేకత కూడా ఉంది. అవే ఆలయాలు కూడా టూరిజంలో భాగమే. బ్రహ్మదేవునికి పూజలందుకోరాదన్న శాపం ఉందంటారు. అందుకనే మన దేశంలో బ్రహ్మదేవుని ఆలయాలు చాలా తక్కువగా కనిపిస్తూ ఉంటాయి. ఉన్న ఒకటీ అరా బ్రహ్మదేవుని ఆలయాలు గురించి చాలా ప్రత్యేకంగా చెప్పుకుంటూ ఉంటాం. అలాంటిది ఎక్కడో థాయ్‌లాండ్‌లో ఓ బ్రహ్మదేవుని ఆలయం ఉంది. స్వయంగా థాయ్ ప్రజలే బ్రహ్మకు ప్రత్యేక ఆలయం కట్టడంతోపాటు నిత్యం పూజలు అందిస్తారు. లక్ష్మీ, ఇంద్రుడు, నారాయణుడు, వినాయకుడు, త్రిమూర్తుల విగ్రహాలను కూడా ఆలయ సమీపంలో ప్రతిష్టంచారు
బ్రహ్మదేవుడ్ని ప్రా ప్రోం పేరుతో పిలుస్తుంటారు. పరబ్రహ్మ అంటే థాయ్ ప్రజలకు చాలా గౌరవం. ఎక్కువగా మంది బుద్దిజంను నమ్మినా బుద్ధునితో పాటుగా ఇలా పరబ్రహ్మ వంటి దేవతలను కూడా పూజిస్తుంటారు. ప్రా ప్రోంను పూజిస్తే సకల శుభాలూ కలుగుతాయనీ, సమస్యలన్నీ తీరిపోతాయని థాయ్‌వాసుల విశ్వాసం. థాయ్‌లాండ్‌లో బ్రహ్మదేవుని ఆరాధన బౌద్ధుల ఆచారాలని గుర్తుకు తెస్తుంది. విగ్రహం ముందు ధూపం వేయడం, కొవ్వొత్తులు వెలిగించడం, కొబ్బరి పాలని నైవేద్యంగా అర్పించడం కనిపిస్తుంటుంది.
బ్రహ్మదేవుని ముందు ఏనుగు బొమ్మని పెడితే కోరుకున్న కోరిక నెరవేరుతుందన్న విశ్వాసమూ ఉందిథాయ్‌లాండ్‌లో బుద్ధ విగ్రహాలు, దేవాలయాలు అక్కడక్కడా దర్శనమిస్తుంటాయి. వాటిలో ముఖ్యమైనది థాయ్ రాజధాని బ్యాంకాక్‌లోని ఎరావన్ ఆలయం. పరబ్రహ్మకి సంగీతం అంటే ఇష్టమన్నది అక్కడ ప్రజల విశ్వాసం. అందుకే బ్రహ్మదేవుడి ఎదుట థాయ్ సంగీతంతో కూడిన సంప్రదాయ నాట్యం చేస్తుంటారు. ఎరావన్ ఆలయానికి ఎన్ని అవాతరాలు ఎదురైనా… అక్కడి బ్రహ్మదేవుని దర్శించుకునేందుకు వచ్చే భక్తుల వెల్లువలో ఏమాత్రం మార్పు రాలేదు. జీవితంలో ఎలాంటి సమస్యనైనా బ్రహ్మదేవుడు తీరు స్తాడని థాయ్ ప్రజలు బలంగా నమ్ముతుంటారు
Share
India Corona : అప్రమత్తంగా ఉండాలని రాష్ట్రాలకు కేంద్రం ఆదేశాలు జారీ..
Aigiri Nandini Song Charanam 7: అయిగిరి నందిని
