Heart Attack : హార్ట్ ఎటాక్ అనేది ఎప్పుడు, ఎవరికి, ఎందుకు వస్తుందో ఎవ్వరం చెప్పలేము. కాలేజ్కు వెళ్లే విద్యార్థుల దగ్గర నుండి రోజూ వ్యాయామం చేస్తూ ఆరోగ్యంగా ఉండాలనుకునే వ్యక్తి వరకు.. హార్ట్ ఎటాక్ అనేది ఎవరికి వస్తుందో అంచనా వేయడం కష్టంగా మారిపోయింది. ఒకప్పుడు కేవలం వృద్ధులు మాత్రమే గుండెపోటుకు గురవుతారు అని అనుకునేవారు. కానీ రోజులు మారిపోయాయి. అందుకే హార్ట్ ఎటాక్ గురించి పూర్తిస్థాయిలో స్టడీ చేయాల్సిన సమయం వచ్చేసింది.
అస్థిరోస్లెరోసిస్ అనే మెడికల్ కండీషన్ వల్ల హార్ట్ ఎటాక్ అనేది వస్తుందని శాస్త్రవేత్తలు గుర్తించారు. అయితే ఇది గుండెలోని ఆర్టెరీస్ భాగంలో ప్లేక్ చేరుకోవడం వల్ల కలుగుతుందని వారు తెలిపారు. కానీ ఈ ప్లేక్ గురించి ఏ బ్లడ్ టెస్ట్లో కానీ, కొలెస్ట్రాల్ టెస్ట్లో కానీ బయటపడదని వారు అంటున్నారు. అందుకే అస్టిరోస్లెరోసిస్ గురించి, ఆర్టెరీస్లో చేరుకునే ప్లేక్ గురించి తెలుసుకోవడం కోసం శాస్త్రవేత్తలు ఒక కొత్త మార్గాన్ని కనిపెట్టారు. అదే మైక్రో ఆర్ఎన్ఏ. ఆరేళ్ల పాటు స్టడీ చేసిన తర్వాత ఆర్ఎన్ఏ అనేది హార్ట్ ఎటాక్ అవకాశాన్ని గుర్తించగలదని శాస్త్రవేత్తలు కనుగొన్నారు.
మైక్రో ఆర్ఎన్ఏ అనేది ఆర్టెరీస్లో ప్లేక్ చేరుకోవడానికి ముఖ్య పాత్ర పోషిస్తుందని శాస్త్రవేత్తలు కనిపెట్టారు. కేవలం గుండెపోటు విషయంలోనే కాదు.. మైక్రో ఆర్ఎన్ఏపై మరిన్ని పరిశోధనలు చేయడం ద్వారా గుండెకు సంబంధించిన ఎన్నో వ్యాధుల గురించి తెలుసుకోవచ్చని వారు తెలిపారు. ముందుగా వారు ఎలుకల్లో మైక్రో ఆర్ఎన్ఏ ప్రభావాన్ని గమనించి చూశారు. ఈ క్రమంలో ఆర్ఎన్ఏ అనేది గుండెకు సంబంధించిన వ్యాధులను, గుండెపోటు అవకాశాన్ని గుర్తించడంలో మెరుగ్గా పనిచేస్తుందని కనిపెట్టారు.
ఒక మైక్రో ఆర్ఎన్ఏ అనేది దాదాపు మరో 40 ఆర్ఎన్ఏలతో కలిసినప్పుడు మనిషిలో గుండెకు సంబంధించిన సమస్యలు మొదలవుతాయని శాస్త్రవేత్తలు చెప్తున్నారు. ఇప్పటికే రెండు రకాల ఎలుకలపై తాము స్టడీ చేశామని, అప్పుడే ఈ విషయంలో ఒక నిర్ధారణకు వచ్చామని వారు తెలిపారు. మైక్రో ఆర్ఎన్ఏ అనేది ఎక్కువ మోతాదులో ఉండడం వల్ల గుండెలో ప్లేక్ అనేది ఫార్మ్ అవుతుందని వారు గమనించారు. అందుకే ఇప్పటినుండి గుండెపోటు అవకాశం ఉందో లేదో తెలుసుకోవాలంటే ముందుగా మైక్రో ఆర్ఎన్ఏ టెస్ట్ చేయాలని శాస్త్రవేత్తలు సూచిస్తున్నారు.