Uganda: ప్రస్తుత కాలంలో చాలా మంది ఇద్దరు పిల్లలను కనగానే… ఇక పిల్లలు వద్దు బాబోయ్ అంటున్నారు. మరికొందరైతే ఏకంగా ఒకరిని మాత్రమే కంటున్నారు. అయితే ఉగాండాకు చెందిన ఓ వ్యక్తి మాత్రం ఏకంగా 12 మందిని వివాహం చేసుకొని 102 మంది పిల్లలకు జన్మనిచ్చాడు.
బుగిసాకు చెందిన ముసా హసహ్య అనే వ్యక్తి తన వంశాన్ని వృద్ధి చేసేందుకు 12 మందిని పెళ్లి చేసుకున్నాడు. తనకు 17 ఏళ్ల వయస్సులో 1972లో మొదటిసారి వివాహం చేసుకున్నాడు. ఆమెకు ఒక బిడ్డ పుట్టాక ముసా మరో పెళ్లి చేసుకున్నాడు. అలా ఇప్పటి వరకు మొత్తం 12 మందిని పెళ్లి చేసుకొని 102 మందికి జన్మనిచ్చాడు.
ముసా తనకు ఉన్న రెండు ఎకరాల భూమిలో వ్యవసాయం చూసుకుంటూ వారిని పోషిస్తున్నాడు. అయితే వ్యవసాయం ద్వారా వచ్చిన ఆదాయంతో భార్యా, పిల్లలకు ఆహారం, దుస్తులు, నిత్యావసరాలు వంటివి సమకూర్చలేకపోతున్నాడట. దీంతో విసుగు చెందిన అతని ఇద్దరు భార్యలు తమ పిల్లలను తీసుకొని వెళ్లిపోయారట.
ఇక ముసా తన పిల్లల్లో చాలా మందిని గుర్తించలేడట. వారిని గుర్తించడానికి వారి తల్లుల సహాయం తీసుకుంటాడట. అతని చిన్న భార్య వయస్సు కంటే అతని మొదటి భార్య పిల్లల వయస్సు ఎక్కువ కావడం ఇంట్రెస్టింగ్ విషయం.