Caves Under Moon’s Surface: చందమామపై యాత్రలు ప్రారంభించాలని భావిస్తున్న శాస్త్రవేత్తలకు గుడ్ న్యూస్. జాబిలిపై ఒక గుహ ఉన్నట్లు పరిశోధనలో తేలింది. ఆ తరహా గుహలు పదుల సంఖ్యలో ఉండవచ్చని శాస్త్రవేత్తలు భావిస్తున్నారు.
జాబిల్లి గురించి కొత్త కొత్త విషయాలు వెలుగులోకి వస్తున్నాయి. తొలుత వాతావరణాన్ని అంచనా వేశారు శాస్త్రవేత్తలు. అక్కడి నమూనాలను సేకరించి నివాసానికి అనుకూలమైనదా కాదా తేల్చే పనిలో పడ్డారు. తాజాగా కొత్త విషయం వెలుగులోకి వచ్చింది. చందమామపై గుహ ఉండవచ్చని చెప్పడానికి ఆధారాలు ఉన్నాయని అంటున్నారు శాస్త్రవేత్తలు.
చందమామపై అత్యంత లోతైన బిలం నుంచి గుహలోకి ఎంట్రీ ఉంటుందని అంచనాకు వస్తున్నారు. ఈ ప్రాంతం 1969లో నీల్ ఆర్మ్‌స్ట్రాంగ్- ఆల్డ్రిన్లు అడుగుపెట్టిన ప్రదేశానికి 400 కిలోమీటర్లు దూరంలో ఉందని . అయితే ఇది ఎలా ఏర్పడిందనే దానిపై విశ్లేషణ చేస్తున్నారు. లావా ద్వారా అది ఏర్పడిందన్నది పరిశోధకుల మాట.
Also Read: రిపబ్లికన్‌ అధ్యక్ష అభ్యర్థిగా ట్రంప్, ఉపాధ్యక్ష పదవికి ఆంధ్ర అల్లుడు!
నాసా ప్రయోగంచిన లూనార్ రికానసెన్స్ ఆర్బిటర్ అందించిన సమాచారం ప్రకారం దీన్ని విశ్లేషించారు పరిశోధకులు. భూమి మీద ఏర్పడిన లావా సొరంగాలతో దీన్ని పోల్చిచూశారు. అయితే చంద్రుడిపై గుహకు సంబంధించి మరికొంత సమాచారాన్ని సేకరించే పనిలో నిమగ్నమయ్యారు.
వెడవు, వెడల్పులను అంచనా కట్టే పనిలో నిమగ్నమయ్యారు. వెడల్పు దాదాపు 130 అడుగులు, పొడవు ఇంకా అంచనా వేస్తున్నారు. ఈ తరహా గుహలు వ్యోమగాములకు షెల్టర్లుగా పని కొస్తాయన్నది శాస్త్రవేత్తల మాట. విశ్వం నుంచి వచ్చే ప్రమాదకరమైన కాస్మిక్ కిరణాలు, చిన్నపాటి ఉల్కల నుంచి ఇవి రక్షిస్తాయని అంటున్నారు.
జాబిల్లిపై ఆవాసాలు నిర్మించడానికి చాలా సమయం పడుతుందని, చాలా సవాళ్లతో కూడిన వ్యవహారమ న్నది వారి మాట. వీటి ద్వారా చంద్రుడి పుట్టుక గురించి లోతైన వివరాలు తెలుసుకోవచ్చని అంటున్నారు. మొత్తానికి చంద్రుడి గురించి కొత్త కొత్త విషయాలు వెలుగులోకి వస్తున్నాయి.
Share
5 Dead in Bus-Tractor Collision: ట్రాక్టర్ను ఢీకొని లోయలో పడ్డ బస్సు.. ఐదుగురు మృతి.. 42 మందికి గాయాలు
Doda Encounter: భారత ఆర్మీపై ఉగ్రవాదుల పంజా.. నలుగురు సైనికులు మృతి!
