Saveera Parkash | భారత్ దాయాది పాకిస్తాన్‌లో ఫిబ్రవరి నెలలో జెనెరల్ ఎలక్షన్స్ జరుగబోతున్నాయి. అయితే పాకిస్తాన్‌లో తొలిసారిగా ఒక హిందూ మహిళ ఎన్నికల్లో పోటీ చేయబోతోంది. ఆమె పేరు సవీరా పర్కాష్. ఖైబర్ పఖ్తూన్‌ఖ్వాకు చెందిన సవీరా వృత్తి రీత్యా ఓ డాక్టర్.

ఆమె పాకిస్తాన్ పీపుల్స్ పార్టీ(PPP)తరపున ఖైబర్ పఖ్తూన్‌ఖ్వా అసెంబ్లీ సీటు నుంచి పోటీ చేస్తున్నారు. ఖైబర్ పఖ్తూన్‌ఖ్వాలో 55 ఏళ్లుగా అసెంబ్లీ ఎన్నికలు జరుగుతుండగా.. ఈ 55 ఏళ్లలో ఒక మహిళ అందులోనూ ఒక హిందూ మహిళ పోటీ చేయడం ఇదే తొలిసారి. సవీరా పర్కాష్ తండ్రి డాక్టర్ ఓం పర్కాష్ గత 35 ఏళ్లుగా పాకిస్తాన్ పీపుల్స్ పార్టీలో సభ్యునిగా ఉన్నారు.

సవీరా పర్కాష్ పాకిస్తాన్‌లోని ఎబొట్టాబాద్ ఇంటర్నేషనల్ మెడికల్ కాలేజీ నుంచి డాక్టర్ డిగ్రీ పొందారు. ఆమె పాకిస్తాన్ పీపుల్స్ పార్టీ మహిళా విభాగంలో ప్రెసిడెంట్‌గా పనిచేశారు. ఎన్నికల్లో పార్టీ తరపున పోటీ చేయాలని స్వయంగా అగ్రనాయకులే ఆమెకు ఆదేశించారని సవీరా తెలిపారు. ఎన్నికల్లో తాను విజయం సాధిస్తే పేద, అణగారిన వర్గాల అభివృద్ధి కోసం పనిచేస్తానని ఆమె అన్నారు. ప్రభుత్వ ఆస్పత్రుల్లో నిర్వహణ ఏమాత్రం సరిగాలేదని ఈ పరిస్థితిని మెరుగుపరిచేందుకే తాను ఎన్నికల్లో పోటీ చేయబోతున్నట్లు సవీరా తెలిపారు.

Saveera Parkash, First Hindu woman, contest, Pakistan elections, Khaibar Pakhtunkhwa, Pakistan Peoples Party,

Share

• 
• 
• 
• 
• 
•