Plymouth unexploded WW2 bomb: రెండో ప్రపంచ యుద్ధం కాలం నాటి బాంబు బ్రిటన్‌లోని ప్లిమత్‌లో ఓ గార్డెన్‌లో దొరికింది. 500 కిలోల బరువున్న ఈ జర్మన్ తయారీ బాంబును సముద్రంలో పేల్చేశారు. సెయింట్ మైఖేల్ ఎవెన్యూలోని గార్డెన్‌లో మంగళవారం ఇది బయటపడింది. ఆ గార్డెన్ చుట్టూ 4300 భవనాలు ఉన్నాయి. పదివేల మంది నివసిస్తున్నారు.

బాంబును గుర్తించిన వెంటనే ఆ పరిసరాల నుంచి ప్రజలను తరలించారు. ఆర్మీలోని బాంబ్ నిర్వీర్య దళానికి చెందిన అత్యంత నిపుణులు దానిని పరిశీలించారు. జనావాసాలకు దూరంగా సముద్రంలో పేల్చివేయాలని నిర్ణయించారు.

Read more:యుద్ధం తర్వాత.. నెతన్యాహు ప్లాన్ ఏంటంటే..?

లారీలో ఆ బాంబును తరలించే మార్గంలో రైళ్లు, బస్సులను నిలిపివేశారు. ట్రాఫిక్‌ను సైతం మళ్లించారు. పడవ ద్వారా బాంబును సముద్రంలో 14 మీటర్ల లోపలికి తీసుకెళ్లి.. అక్కడ శుక్రవారం పేల్చివేశారు.

రెండో ప్రపంచ యుద్ధ కాలంలో ప్లిమత్‌పై 1362 బాంబులు పడ్డాయని సిటీ మ్యూజియం అధికారులు తెలిపారు. ఆ బాంబులన్నీ పేలగా.. పేలని బాంబు ఇదొకటని వివరించారు. ఏప్రిల్ 22/23 1941లో ఈ బాంబును జారవిడిచి ఉండొచ్చని అంచనా వేస్తున్నారు.

Share

• 
• 
• 
• 
• 
•