Job: కనీసం పది వేల వేతనంతో ఉద్యోగం వస్తే చాలు అనుకునే వాళ్లు ఎంతో మంది ఉన్నారు. అలాంటిది లక్షల్లో జీతం.. ఉద్యోగ భద్రత.. మిగతా ఖర్చులన్నీ కంపెనీవే.. విహారయాత్రకు వెళ్లినా కంపెనీనే బరిస్తుంది.. రెండేళ్ల తర్వాత ఉద్యోగం మానేస్తే కోట్లల్లో బోనస్.. వీటితో పాటు మెరెన్నో ప్రయోజనాలు. ఇటువంటి ఉద్యోగం దొరికితే ఎవరైనా ఊరుకుంటారా.. ఎగిరిగంతేస్తారు. మరోక్షణం కూడా ఆలోచించకుండా ఉద్యోగంలో చేరిపోతారు.

కానీ ఓ కంపెనీ ఇన్ని బెనిఫిట్స్ ఇస్తున్నా కూడా ఒక్కరంటే ఒక్కరు కూడా జాబ్‌లో జాయిన్ అవ్వడానికి ముందుకు రావడం లేదు. స్కాట్‌లాండ్‌లోని ఓ చమురు సంస్థలో ఆఫ్‌షోర్ రిగ్గర్ పోస్టులు ఖాళీగా ఉన్నాయి. సంవత్సరంలో ఆరు నెలలు రోజుకు 12 గంటలకు పనిచేయాల్సి ఉంటుంది. మిగతా ఆరు నెలలు హాలిడేస్. రెండు సంవత్సరాలు ఆ కంపెనీలో ఉద్యోగం చేసిన తర్వాత మానేస్తే రూ. కోటి బోనస్‌గా ఇస్తారు.

సముద్రం అడుగున భూమి పొరల్లోని చమురును వెలికితీసేందుకు ఏర్పాటు చేసిన ఆఫ్‌షోర్ రిగ్స్‌లో ఉద్యోగి పనిచేయాల్సి ఉంటుంది. అందుకే లక్షల జీతం ఆఫర్ చేస్తున్నా కూడా ఒక్కరు కూడా ముందుకు రావడం లేదు. దీంతో సదరు కంపెనీ ఉద్యోగులు దొరకక తీవ్ర ఇబ్బందులు పడుతోంది.

Share

• 
• 
• 
• 
• 
•