New Zealand: న్యూజిలాండ్ కొత్త ప్రధానిగా లేబర్ పార్టీ నేత క్రిస్ హిప్కిన్స్ ప్రమాణస్వీకారం చేశారు. న్యూజిలాండ్ గవర్నర్-జనరల్ సిండి కిరో, కొంత మంది ప్రతినిధుల సమక్షంలో క్రిస్ హిప్కిన్స్ 41వ ప్రధానిగా బాధ్యతలు స్వీకరించారు. దేశ ఆర్థిక వ్యవస్థను మెరుగు పరిచేందుకు కృషి చేస్తానని క్రిస్ వాగ్ధానం చేశారు.
న్యూజిలాండ్ ప్రధాని జసిందా ఆర్డెర్న్ పోయిన వారం తన పదవికి రాజీనామా చేసిన విషయం తెలిసిందే. జనవరి 19న ప్రధాని పదవికి రాజీనామా చేస్తున్నట్లు జసిందా ప్రకటించి అందర్నీ షాక్కు గురి చేశారు. ఈక్రమంలో న్యూజిలాండ్ కొత్త ప్రధానిగా క్రిస్ హిప్కిన్స్ ఎన్నికయ్యారు.