Miss universe: అగ్రరాజ్యం అమెరికాలో ఈ ఏడాది మిస్ యూనివర్స్ పోటీలు వైభవంగా జరిగాయి. పలు దేశాల నుంచి అమ్మాయిలు ఈ పోటీల్లో పాల్గొని తమ అందాలను ఆరబోశారు. అయితే పోటీల్లో తాను దారుణమైన అనుభవాల్ని ఎదుర్కొన్నానని మిస్ రష్యా అన్నా లిన్నికోవా ఆరోపించారు. తనను చిన్నచూపు చూశారని.. అమెరికా, ఉక్రెయిన్ అభ్యర్థులకు మాత్రమే అధిక ప్రాధాన్యత ఇచ్చారని అన్నారు.

పోటీలు ప్రారంభమైనప్పటి నుంచి తనను అవమానిస్తూ.. బెదిరింపులకు పాల్పడ్డారని తెలిపారు. ఉక్రెయిన్‌కు చెందిన సోషల్ మీడియా యూజర్లు తనపై అసహ్యంగా కామెంట్లు చేశారని.. అలాగే తనకు చాలా కాలంగా పరిచయం ఉన్నవారు కూడా నెగిటివ్ కామెంట్లు చేశారని వెల్లడించారు. ఆ సమయంలో తనకు బాధేసిందని చెప్పారు.

ఉక్రెయిన్, స్విట్జర్లాండ్ నుంచి వచ్చిన అమ్మాయిలు తనపై ఇష్టానుసారంగా కామెంట్లు చేశారని అన్నారు. ఉక్రెయిన్ పౌరురాలిని కావడంతో.. కొందరు తనతో మాట్లాడకుండా దూరంగా ఉన్నారని చెప్పారు.

ఇటువంటి క్లిష్టమైన పరిస్థితిలో వెనిజులాకు చెందిన అమండా డుడామెల్ తనకు అండగా నిలిచే ప్రయత్నం చేసిందని తెలిపారు. తన మంచితనంతోనే పోటీల్లో అమండా రెండో స్థానంలో నిలిచి ఉంటుందని అభిప్రాయపడ్డారు.

Share

• 
• 
• 
• 
• 
•