Launcher-Hamas : పౌరులు, జనావాసాలను రక్షణ కవచంగా చేసుకుని హమాస్ దాడులు సాగిస్తున్న వైనాన్ని ఇజ్రాయెల్ రక్షణ దళాలు(ఐడీఎఫ్) బయటపెట్టాయి. గాజాలోని ఐక్యరాజ్యసమితి భవనం, కిండర్ గార్టెన్, మసీదు మధ్య రాకెట్ లాంచర్లను ఏర్పాటు చేయడాన్ని ఆధారాలతో సహా రట్టు చేసింది.

ఏరియల్ ఫొటోలను గమనిస్తే.. స్కూళ్ల వద్దే రాకెట్ లాంచ్ సైట్ ఉండటం గమనించొచ్చు. అక్టోబర్ 7 నాటి హమాస్ దాడిలో 1400 ఇజ్రాయెలీలు మరణించిన సంగతి తెలిసిందే. ఆ సందర్భంగా జనావాసాల మధ్య నుంచే 7 వేల రాకెట్లను ఇజ్రాయెల్ వైపు పేల్చింది. వీటిలో గురి తప్పిన 550 రాకెట్లు గాజాపైనే పడ్డాయి.

వారం రోజుల క్రితం అలా ఓ రాకెట్ అక్కడి ఆస్పత్రిపైనే పడింది. అహ్లీ అరబ్ ఆస్పత్రి పార్కింగ్ ఏరియాలో పడటంతో పెద్ద పేలుడు సంభవించింది. అది ఇజ్రాయెల్ పనేనంటూ హమాస్ ఆరోపించింది. అయితే హమాస్ ప్రయోగించిన రాకెట్ గురి తప్పడంలో వల్లే ఆ దుర్ఘటన చోటు చేసుకున్నట్టు ఇజ్రాయెల్, అమెరికా, యూరోప్, కెనడా నిఘా వర్గాలు ధ్రువీకరించాయి.

పౌరులను రక్షణ కవచాలుగా ఉపయోగించుకుని ఇజ్రాయెల్‌పై దాడులు చేయొచ్చనేది హమాస్ అనుసరిస్తున్న వ్యూహం. ఈ కారణంగానే గాజాను పౌరులు ఖాళీ చేయకుండా అడ్డుకునే ప్రయత్నాలు చేసినా ఫలించలేదు.

Share

• 
• 
• 
• 
• 
•