Emirates: ప్రయాణం చేస్తున్నప్పుడు కొంచెం ఆలస్యమైతేనే అసహనానికి గురవుతుంటాము. అలాంటిది దాదాపు 13 గంటల పాటు ప్రయాణించి గమ్య స్థానానికి కాకుండా.. ఎక్కడి నుంచి అయితే ప్రయాణం ప్రారంభించామో అక్కడికే చేరుకుంటే. ఇటువంటి అనుభవం ఎమిరేట్స్ విమానానికి ఎదురైంది.

న్యూజిలాండ్‌లోని ఆక్లాండ్ విమానాశ్రయం వరదల కారణంగా నీటితో నిండిపోయి అంతర్జాతీయ రాకపోకలకు అంతరాయం ఏర్పడింది. ఈక్రమంలో దుబాయ్ నుంచి ఆక్లాండ్ వెళ్తున్న ఎమిరేట్స్ విమానం మధ్యలోనే వెనుదిరగాల్సి వచ్చింది. దాదాపు 13 గంటల పాటు ప్రయాణించిన తర్వాత విమానం దుబాయ్‌లో ల్యాండ్ అయింది.

ఎక్కడి నుంచి టేకాఫ్ అయిందో.. మళ్లీ అక్కడే ల్యాండ్ కావడంతో ప్రయాణికులు తీవ్ర అసహనానికి గురయ్యారు. ఈ ఘటన సోషల్ మీడియాలో వైరల్‌గా మారింది. దీనిపై స్పందించిన ఆక్లాండ్ విమానాశ్రయ సిబ్బంది… ‘‘ఈ పరిస్థితి తీవ్ర అసహనానికి గురుచేస్తుంది. కానీ ప్రయాణికుల భద్రతే మాకు ముఖ్యం’’ అని తెలిపారు.

Share

• 
• 
• 
• 
• 
•