Donald Trump Derogatory Remarks on Kamala Harris Personality: ట్రంప్ నోటీ దురుసు మళ్లీ మొదటికొచ్చింది. ప్రత్యర్థిని దెబ్బకొట్టడం కోసం ఆయన మాట్లాడే మాటలు. ఛీ..ఛీ అనిపించేలా చేస్తున్నాయి. అసలు ట్రంప్ ఏమన్నారు… ?కమలా హ్యారీస్ ఇచ్చిన కౌంటరేంటీ..? మీరే చూడండి? కర్ణుడి చావుకు కారణాలు అనేకం అన్నట్టు గత ఎన్నికల్లో ఆయన ఓటమికి బోలెడు కారణాలు. అవన్నీ ఆయన స్వయంకృతాలు. నోటి దురుసుతనం, మహిళల పట్ల అవమానకరమైన వ్యాఖ్యలు చేయడం, గొప్పలు చెప్పుకోవడం, కరోనా విషయంలో నిర్లక్ష్యపూరిత వైఖరి.. తన తప్పుల గురించి ప్రశ్నిస్తే హేళన చేస్తూ ఎదుటివారి మీద విరుచుకుపడడం.. ఇలా చెప్పుకుంటూ పోతే లెక్కలు సరిపోవు. మరీ అంత ఘోరమైన ఓటమి చెందిన ఆయన బుద్ధి మారలేదు అనుకుంటా.. ఏం మాట్లాడుతున్నారో సోయి లేకుండా ప్రత్యర్థులపై విమర్శలు గుప్పింస్తున్నారు. అవి విమర్శలు కూడా కాదు.. ఓ విధంగా వ్యక్తిగత దాడికి దిగుతున్నారు ట్రంప్. ఇంతకు ఆయన ఏం మాట్లాడారు అంటారా.. ఏం మాట్లాడారో మీరే చూడండి.

ఇది అమెరికాలోని పెన్సిల్వేనియాలో ట్రంప్ ఎన్నికల ర్యాలీ.. అందులో ది వాల్ స్ట్రీట్ జర్నల్ లో హ్యారీస్ అందాన్ని అభివర్ణిస్తూ ఓ ఆర్టికల్ రాశారు. దానిని ఉద్దేశించి ట్రంప్ హ్యారీస్ కంటే తాను చూడటానికి బాగుంటానని అన్నారు. అంతటితో ఊరుకోకుండా. మ్యాగజైన్ పై ఉన్నది హీరోయిన్స్ సోఫియా లోరెన్ లేదా ఎలిజబెత్ టేలర్ అని వెక్కిలి మాటలు మాట్లాడారు. స్త్రీలు అందంగా ఉన్నారని ఎప్పుడూ పొగడవద్దని. ఎందుకంటే అది మీ రాజకీయ జీవితానికి ముగింపు అవుతుంది నోరుపాసేసుకున్నారు. దీంతో ఇది రాజకీయ రచ్చకు దారి తీసింది.

మరి ప్రత్యర్థి మాటలకు ఇటు సైడ్ నుంచి కూడా కౌంటర్ పడాలి కదా.. ట్రంప్ మాటలకు కమల కూడా రియాక్ట్ అయ్యారు. ఇతరులను తక్కువ చేసి మాట్లాడేవారంతా తన దృష్టిలో పిరికివారేనని ఫైర్ అయ్యారు. ఈమధ్య కాలంలో రాజకీయాల్లో వక్రబుద్ధి కనిపిస్తోందని సంచలన వ్యాఖ్యలు చేశారు. ప్రత్యర్థిని దెబ్బకొట్టడం అనేది నాయకుడి చతురత మీద ఆధారపడి ఉంటుందని చెప్పారు. ప్రజల బాగు కోసం ఆలోచించేవారే నిజమైన నాయకులని అన్నారు. నిజానికి కమలపై ట్రంప్ వ్యాఖ్యలు చేయడం ఇదేం మొదటిసారి కాదు.

Also Read: ట్రంప్ ప్రకటన.. కేబినెట్‌లో మస్క్ ఛాన్స్..

కొన్నిరోజుల నుంచే కమలా పై డొనాల్డ్ ట్రంప్ వ్యక్తిగత దిగజారుడు వ్యాఖ్యలు చేస్తూ విమర్శలపాలవుతున్నారు. కమలా హారిస్ నల్ల జాతీయురాలా? భారతీయ సంతితికి చెందిన వ్యక్తో చెప్పాలంటూ గతంలో ప్రశ్నించారు. తనపై కూడా కమలా హారిస్ తీవ్ర వ్యక్తిగత విమర్శలు చేసిందని. అందువల్లనే అలా మాట్లాడినట్లు ట్రంప్ సమర్ధించుకున్నారు. మరి కమలపై ఎందుకింత కోపం అంటే.. ఆమె దూకుడు ప్రదర్శించడం. పలు సర్వేలు కమలాకే మొగ్గు చూపడం ట్రంప్ కు రుచించడం లేదంట. నిజానికి ఇప్పటికిప్పుడు ఎన్నికలు జరిగితే కమల విజయమే తధ్యమనే మాట వినిపిస్తుంది. అందుకే ట్రంప్ ఫ్రస్టెషన్ లో మాట్లాడుతున్నారని డెమొక్రాటిక్ లీడర్లు అంటున్నారు.

మ్యాటర్ ఏదైనా ఈ విధంగా ట్రంప్ వ్యక్తిగత దూషణకు దిగడం తప్పే.. ఇప్పటికే నోటి దురుసుతో ఓ సారి ఓటమి చవిచూసిన ట్రంప్ .. మళ్లీ అదే రూట్ లో వెళ్లడం కుక్క తోక వంకర అనే సామెత ను గుర్తుకు తెస్తుంది. ట్రంప్ మాటలకు తాళం దేవుడెరుగు.. పార్టీకి ఎలా డ్యామేజ్ తేస్తుందోనని రిపబ్లికన్ పార్టీ నేతలు తలలు పట్టుకుంటున్నారు. మరోవైపు ఎన్నికలకు టైం కూడా దగ్గర పడుతుంది. నవంబరు 5న అమెరికా అధ్యక్ష ఎన్నికలు. ప్రచారానికి ఇంకా రెండు నెలలకు పైగా టైమ్ ఉంది. అప్పుడే ఎన్నికల ప్రచారంలో వ్యక్తిగత విమర్శలతో కంపు రేపుతున్నారు.

Share

• 
• 
• 
• 
• 
•