China Top In Exports : ప్రపంచవ్యాప్తంగా నిరుడు సరుకుల ఎగుమతుల విలువ 25 ట్రిలియన్ డాలర్లకు చేరింది. గ్లోబలైజేషన్, టెక్నాలజీలో పురోగతి కారణంగా గత 20 ఏళ్లలో అంతర్జాతీయ వాణిజ్యం 300% పెరిగింది.

2022లో 11 అతి పెద్ద ఎక్స్‌పోర్టర్ దేశాలు 12.8 ట్రిలియన్ డాలర్ల విలువైన సరుకులను ఎగుమతి చేశాయి. మిగిలిన ప్రపంచదేశాలన్నీ కలిసి మొత్తం కలిపి 12.1 ట్రిలియన్ డాలర్ల విలువైన ఎగుమతులు చేశాయి.

అత్యధికంగా ఎగుమతులు చేసిన దేశాల జాబితాలో చైనాదే అగ్రపీఠం. 3.6 ట్రిలియన్ డాలర్ల విలువైన ఎగుమతులను డ్రాగన్ దేశం చేసింది. మొత్తం ఎగుమతుల్లో ఇది 14 శాతానికి సమానం. 2009 నుంచి అతిపెద్ద ఎక్స్‌పోర్టర్ దేశంగా చైనా కొనసాగుతోంది.

2.1 ట్రిలియన్ డాలర్ల విలువైన ఎగుమతులతో అమెరికా, 1.7 ట్రిలియన్ డాలర్ల విలువతో జర్మనీ రెండు, మూడు స్థానాల్లో నిలిచాయి. నెదర్లాండ్స్ 965.5 బిలియన్ డాలర్లు, జపాన్ 746.9 బిలియన్ డాలర్ల విలువైన ఎగుమతులు నిర్వహించాయి.

2022లో చైనా అత్యధికంగా ఎగుమతి చేసిన వస్తువుల జాబితాలో ఫోన్లు, స్మార్ట్ ఫోన్లు, కంప్యూటర్లు, ఆప్టికల్ రీడర్లు, ఇంటిగ్రేటెడ్ సర్క్యూట్లు, సోలార్ పవర్ డయోడ్లు, సెమీకండక్టర్లు ఉన్నాయి.

Share

• 
• 
• 
• 
• 
•