Love: లవ్ చేసుకోండి.. ఎంజాయ్ చేయండి.. సెలవులు కూడా ఇస్తాం.. ఇది ఓ కాలేజీ విద్యార్థులకు ఇచ్చిన మెసేజ్. ఎక్కడైనా టీచర్లు ప్రేమలో పడిన విద్యార్థులకు అడ్డు చెబుతారు. వారిని విడకొట్టడానికి ప్రయత్నిస్తారు. తల్లిదండ్రులను పిలిపించి నానా రచ్చ చేస్తుంటారు. కానీ ఈ కాలేజీలు డిఫరెంట్. ప్రేమలో పడండి అంటూ విద్యార్ధులను ఎంకరేజ్ చేస్తున్నాయి. ఇంతకీ ఎక్కడంటే..
చైనాలో జననాల రేటు ఘోరంగా పడిపోయింది. అత్యధిక జననాల రేటు కలిగిన దేశం నుంచి అత్యల్ప జననాల రేటు ఉన్న దేశంగా చైనా మారింది. ఈక్రమంలో జననాల రేటును పెంచేందుకు చైనా నానా తంటాలు పడుతోంది. అనూహ్య నిర్ణయాలు తీసుకుంటూ అందరినీ షాక్కి గురి చేస్తుంది. ఇప్పటికే ప్రభుత్వ ఉద్యోగులకు వేతనంతో కూడిన సెలవులు ఇవ్వనున్నట్లు చైనా ప్రకటించింది.
ఇక తాజాగా షాకింగ్ నిర్ణయం తీసుకుంది చైనా. ప్రేమలో పడండి.. ఎంజాయ్ చేయండి అంటూ విద్యార్థులకు సెలవులు కూడా మంజూరు చేసింది. ప్రేమలో పడండంటూ తొమ్మిది కాళాశాలలకు చెందిన విద్యార్థులకు ఏప్రిల్లో వారం రోజుల పాటు సెలవులు ప్రకటించారు. జననాట రేటును పెంచే ప్రయత్నంలో ఈ నిర్ణయం తీసుకుందట. ప్రస్తుతం ఈ విషయం నెట్టింట చర్చనీయాంశంగా మారింది.