America : అమెరికా వాయుసేనకు చెందిన ఎఫ్‌ 35బీ ఫైటర్‌ జెట్‌ విమానం ల్యాండ్‌ అవుతున్న క్రమంలో కుప్పకూలిపోయింది. పైలట్‌ చాకచక్యంగా వ్యవహరించి ప్రమాదం నుంచి తప్పించుకున్నాడు. టెక్సాస్‌లోని ఎయిర్‌స్టేషన్‌లో ఈ ఘటన చోటు చేసుకుంది. హెలికాప్టర్‌ మాదిరిగా ల్యాండ్‌ చేసేందుకు పైలట్‌ యత్నించాడు. అయితే, చక్రాలు నేలను తాకిన అనంతరం జెట్‌ ఒక్కసారిగా అదుపు తప్పింది. ముందుభాగం నేలను ఢీ కొట్టింది.

విమానాన్ని నియంత్రించేందుకు పైలట్‌ ఎంత ప్రయత్నించినా ఉపయోగం లేకపోయింది. దీంతో ప్రాణాలు కాపాడుకునేందుకు పైలట్‌ పారాచూట్‌ సాయంతో బయటకు వచ్చేశాడు. ఈ దృశ్యాన్ని అక్కడున్న కొందరు రికార్డు చేసి ట్విటర్‌లో పోస్టు చేయడంతో వైరల్‌గా మారింది. ఘటన జరిగిన వెంటనే అప్రమత్తమైన అత్యవసర సిబ్బంది అక్కడికి చేరుకొని జెట్‌ పేలకుండా చర్యలు చేపట్టారు. ప్రమాద ఘటనపై పూర్తి స్థాయి దర్యాప్తు చేపడుతున్నట్లు అమెరికా వాయుసేన ఉన్నతాధికారులు వెల్లడించారు.

Share

• 
• 
• 
• 
• 
•