Vivek Agnihotri: ‘ది కశ్మీర్ ఫైల్స్’ మూవీపై నటుడు ప్రకాశ్ రాజు తీవ్ర విమర్శలు చేసిన విషయం తెలిసిందే. ఆ మూవీ డైరెక్టర్ వివేక్ అగ్నిహోత్రికి భాస్కర్ అవార్డు కూడా రాదని విమర్శించారు. తాజాగా ప్రకాశ్ రాజ్ వ్యాఖ్యలపై వివేక్ అగ్నిహోత్రి స్పందించారు. ప్రకాశ్ రాజ్‌ను అంధకార రాజ్‌గా పేర్కొన్న వివేక్.. ఆయనొక అర్బన్ నక్సలైట్‌ అంటూ ఘాటు వ్యాఖ్యలు చేశారు.

‘‘ది కశ్మీర్ ఫైల్స్ సినిమా వచ్చి ఏడాది అయినా కూడా కొందరు అర్బన్ నక్సల్స్ మర్చిపోలేకపోతున్నారు. వారికి రాత్రిపూట నిద్రపట్టడం లేదు. అవన్నీ మొరిగే కుక్కలు. మిస్టర్ అంధకార్ రాజ్ భాస్కర్ అవార్డుల్ననీ మీకే వస్తుంటే మాకు అవకాశం ఎక్కడ ఉంటుంది’’ అంటూ వివేక్ అగ్నిహోత్రి వ్యాఖ్యానించారు.

ఇక పోయిన ఏడాది మార్చిలో రిలీజ్ అయిన ‘ది కశ్మీర్ ఫైల్స్’ సినిమా ఘన విజయం సాధించింది. చిన్న సినిమాగా రిలీజ్ అయి దేశవ్యాప్తంగా ప్రభంజనం సృష్టించింది. కశ్మీర్ పండిత్‌లపై జరిగిన ఆకృత్యాల నేపథ్యంలో వివేక్ అగ్నిహోత్రి ఈ సినిమాను తెరకెక్కించారు.

Share

• 
• 
• 
• 
• 
•