Vimala Raman latest news(Tollywood news in telugu): ఎవరైనా ఎప్పుడైనా అనే సినిమా ద్వారా తెలుగుతెరకు పరిచయమైంది విమలా రామన్. ఈ సినిమా ఆశించిన ఫలితాన్ని అందివ్వలేకపోయినా అమ్మడికి మాత్రం మంచి అవకాశాలనే అందించింది. గాయం 2, రాజ్, రంగ ది దొంగ లాంటి సినిమాల్లో నటించి మెప్పించింది. తెలుగులో అయితే విమలా మంచి హిట్స్ అందుకోలేకపోయింది కానీ, మిగతా భాషల్లో మంచి విజయాలనే అందుకుంది. ఇక ఈ మధ్యనే వరుణ్ తేజ్ నటించిన గాండీవధారి అర్జున లో ఒక కీలక పాత్రలో నటించింది.

అమ్మడు సినిమాల విషయం పక్కన పెడితే గత కొన్ని రోజులుగా విమలా ఒక హీరోతో రిలేషన్ లో ఉన్నట్లు వార్తలు వినిపిస్తున్నాయి. అతనే వినయ్ రాయ్. వాన సినిమాతో హీరోగా పరిచయమైన వినయ్.. ఇప్పుడు స్టార్ విలన్ గా కొనసాగుతున్నాడు. విశాల్ నటించిన డిటెక్టివ్ సినిమాలో మొదటిసారి విలన్ గా నటించి మెప్పించాడు. ఈ సినిమా అతనికి మంచి పేరు తీసుకొచ్చిపెట్టింది. ఈ సినిమా తరువాత నుంచి పూర్తిగా విలన్ క్యారెక్టర్స్ మీదనే వినయ్ ఫోకస్ పెట్టాడు.

కొన్నేళ్లుగా వినయ్, విమలా లివింగ్ రిలేషన్ లో ఉన్నట్లు వార్తలు వినిపిస్తున్నాయి. ఇప్పటివరకు ఈ జంట తమ ప్రేమ విషయాన్నీ బయటపెట్టింది లేదు. ఇక తాజాగా ఈ జంట తమ రిలేషన్ ను అధికారికం చేశారు. వి అండ్ వి పేరుతో ఒక ఫోటోషూట్ చేసి.. ఆ ఫొటోస్ ను అభిమానులతో పంచుకుంటూ మా ఫోటో సిరీస్ ను మీరు ఆదరించినందుకు ధన్యవాదాలు అంటూ రాసుకోచ్చింది. ప్రస్తుతం ఈ ఫోటోలు నెట్టింట వైరల్ గా మారాయి. వినయ్ వయస్సు 44 .. విమలా వయస్సు 42. ఈ వయస్సులో ఈ జంట పెళ్లి చేసుకుంటారా.. ? లేకపోతే ఇలానే లివింగ్ లో ఉండిపోతారా.. ? అనేది తెలియాల్సి ఉంది.

Share

• 
• 
• 
• 
• 
•