Vijay Devarakonda: రౌడీ హీరో విజయ్ దేవరకొండకు ప్రస్తుతం గడ్డుకాలం నడుస్తోంది. లైగర్ ప్లాప్ తరువాత దాన్ని నుంచి బయటపడడానికి విజయ్ చాలా కష్టపడుతున్నాడు. కానీ, అది సులువుగా అనిపించడం లేదు. ఇక ఈ ఏడాది ఫ్యామిలీ స్టార్ సినిమాతో ప్రేక్షకుల ముందుకు వచ్చాడు. కానీ, అది కూడా విజయ్ ను కాపాడలేకపోయింది.
ప్రస్తుతం విజయ్ ఆశలన్నీ VD12 మీదనే పెట్టుకున్నాడు. జెర్సీ సినిమాతో ప్రేక్షకులను మెప్పించిన డైరెక్టర్ గౌతమ్ తిన్ననూరి ఈ సినిమాకు దర్శకత్వం వహిస్తున్నాడు. సూర్యదేవర నాగవంశీ నిర్మిస్తున్న ఈ సినిమాలో విజయ్ సరసన భాగ్యశ్రీ బోర్సే నటిస్తోంది. ఈ సినిమాపై అభిమానులు ఎన్నో అంచనాలు పెట్టుకున్నారు.
స్పై యాక్షన్ థ్రిల్లర్ గా తెరకెక్కుతున్న ఈ సినిమా ప్రస్తుతం శరవేగంగా షూటింగ్ జరుపుకుంటుంది. ఇప్పటివరకు ఈ సినిమా నుంచి మేకర్స్ ఒక్క అప్డేట్ ఇచ్చింది లేదు. ఎప్పుడెప్పుడు ఈ సినిమా నుంచి అప్డేట్ వస్తుందా అని అభిమానులు ఎంతగానో ఎదురుచూస్తున్నారు. అయితే ఈ నేపథ్యంలోనే VD12 సెట్స్ నుంచి విజయ్ లుక్ లీక్ అయ్యింది.
రగ్గడ్ లుక్ లో విజయ్ అదరకొట్టేశాడు. ఇంతకు ముందెన్నడూ విజయ్ ఈ లుక్ లో కనిపించింది లేదు. గుండు.. గడ్డం, గాగుల్స్ తో పక్కా మాస్ రౌడీలా కనిపించాడు. ఈ మధ్యనే శ్రీలంకలో షూటింగ్ జరుపుకుంటున్న ఈ సినిమాలో సత్యదేవ్ కీలక పాత్రలో నటిస్తున్నాడు. ప్రస్తుతం ఈ లీక్డ్ ఫొటోస్ సోషల్ మీడియాను షేక్ చేస్తున్నాయి. విజయ్ ను ఈ లుక్ లో చూసిన అభిమానులు ఈసారి బ్లాక్ బస్టర్ కొట్టడం ఖాయం అని అభిమానులు కామెంట్స్ పెడుతున్నారు. మరి ఈ సినిమాతో విజయ్ ఎలాంటి విజయాన్ని అందుకుంటాడో చూడాలి.