Vettaiyan Prevue: సూపర్ స్టార్ రజినీకాంత్ నటిస్తున్న చిత్రాల్లో వెట్టయాన్ ఒకటి. టీజ్ జ్ఞానవేల్ దర్శకత్వం వహిస్తున్న ఈ చిత్రాన్ని లైకా ప్రొడక్షన్స్ ప్రతిష్టాత్మకంగా నిర్మిస్తుంది. ఇక ఈ సినిమాలో అమితాబ్ బచ్చన్, ఫహద్ ఫాసిల్, రానా దగ్గుబాటి, మంజు వారియర్, కిషోర్, రితికా సింగ్, దుషార విజయన్, GM సుందర్, అభిరామి, రోహిణి, రావు రమేష్, రమేష్ తిలక్, రక్షణ లాంటి స్టార్స్ అందరూ నటిస్తున్నారు.
ఇక ఈ సినిమాపై అభిమానులు భారీ అంచనాలను పెట్టుకున్నారు. ఇప్పటికే ఈ చిత్రం నుంచి రిలీజైన మనసిలాయో సాంగ్ రిలీజ్ అయ్యి ఏ రేంజ్ లో హిట్ అయ్యిందో ప్రత్యేకంగా చెప్పాల్సిన అవసరం లేదు. ఇక తాజాగా ఈ సినిమా నుంచి ప్రివ్యూను రిలీజ్ చేశారు.
హంటర్ ఎంట్రీ అంటూ రిలీజైన ఈ ప్రివ్యూ అదిరిపోయింది. అమితాబ్ బచ్చన్ ఇందులో ఎన్కౌంటర్ స్పెషలిస్ట్ ల గురించి అడగడం.. రితికా సింగ్ , రజినీ గురించి ఎలివేషన్ ఇవ్వడం నెక్స్ట్ లెవెల్. ” ఈ దేశంలో లక్షలాది పోలీసులు ఉన్నారు.. కానీ వీళ్ళను మాత్రమే చూడగానే గుర్తుపడుతున్నారు.. ఎందుకు” అని అమితాబ్ అడగ్గా.. రితికా.. ” మోస్ట్ డేంజరస్ క్రిమినల్స్ ను భయపడకుండా ఎన్ కౌంటర్ చేసినందువల్ల వీళ్ళు హీరోస్ అయ్యారు” అని చెప్పడంతోనే రజినీ ఎంట్రీ అదిరిపోయింది.
ఎస్పీ గా రజినీ కనిపించాడు. ఇక ఎన్ కౌంటర్ చేయడం హీరోయిజమా అన్న అమితాబ్ ప్రశ్నకు.. రజినీ స్ట్రాంగ్ కౌంటర్ ఇచ్చినట్లు చూపించారు.. ” ఎన్ కౌంటర్ అనేది నేరం చేసిన వాళ్లకు విధించే శిక్ష మాత్రమే కాదు. ఇక మీదట ఇలాంటి నేరాలు జరగకుండా తీసుకొనే ముందు జాగ్రత్త చర్య” అని చెప్పడంతోనే రజినీ- అమితాబ్ ల మధ్య యుద్ధం జరగనున్నట్లు తెలుస్తోంది.
ఇక వీరిద్దరి మధ్య ఫైట్ సీక్వెన్స్ ఉంటే కనుక థియేటర్ దద్దరిల్లడం ఖాయం అనే చెప్పాలి. ఇక కేవలం సూపర్ స్టార్ ఎంట్రీ కావడంతో ఇందులో మిగతా పాత్రలను జస్ట్ అలా చూపించి వదిలారు. ప్రస్తుతం ఈ ప్రివ్యూ నెట్టింట వైరల్ గా మారింది. మరి ఈ సినిమా త్వరలోనే రిలీజ్ కు రెడీ అవుతుంది. మరి ఈ సినిమాతో రజినీ ఎలాంటి విజయాన్ని అందుకుంటాడో చూడాలి.