Venu Swamy: వివాదాస్పద జ్యోతిష్యుడిగా పేరు గాంచిన వేణుస్వామి.. తరచూ తన వ్యాఖ్యలతో వార్తల్లో నిలుస్తుంటారు. సెలబ్రెటీల జాతకాలు, వారి వ్యక్తిగత జీవితాలు, కెరీర్పై జ్యోతిష్యం చెబుతూ సంచలనాలు సృష్టిస్తుంటారు. అయితే ఆయన చెప్పిన కొన్ని జాతకాలు నిజమయ్యే సందర్భాలు ఉంటే.. మరికొన్ని మాత్రం బెట్టిసికొట్టే సందర్భాలు కూడా ఉన్నాయి. అలా బెడిసికొట్టిన సందర్భాల్లో వేణుస్వామిపై ట్రోలింగ్స్, విమర్శకులు కూడా ఓ రేంజ్లో వచ్చాయి. తాజాగా ఆయన 2024లో విడిపోయే సెలబ్రెటీల లిస్ట్ గురించి ఆసక్తికర విషయాలు చెప్పుకొచ్చారు.
2024లో టాలీవుడ్కి చెందిన టాప్ సెలబ్రెటీ కపుల్స్ విడాకులు తీసుకోవడం ఖాయం అని అన్నారు. వారిలో గత ఏడాది ప్రేమించి పెళ్లి చేసుకున్న వరుణ్ తేజ్ – లావణ్య త్రిపాఠిలు ఒకరు కాగా.. పవన్ కల్యాణ్ కూడా మూడవసారి విడాకులు తీసుకుంటారని సంచలన వ్యాఖ్యలు చేశారు. అంతేకాకుండా విడాకుల తర్వాత పవన్ కల్యాణ్ నాలుగో పెళ్లి కూడా చేసుకుంటారని కుండబద్ధలు కొట్టారు. దీంతో వేణు స్వామి చేసిన వ్యాఖ్యలు వైరల్గా మారాయి.