Upasana: ఇటు మెగా కుటుంబం.. అటు అపోలో ఫ్యామిలీ. మామూలుగా ఉంటుందా మరి. ఉపాసన డెలివరీ కోసం హాస్పిటల్‌లో ఓ బ్లాక్ మొత్తం బుక్ చేశారని అన్నారు. పండంటి బిడ్డకు జన్మనిచ్చాక.. ఆ పాపకు ‘క్లీంకార’ అని పేరు పెట్టారు. ఇప్పుడు క్లీంకార కోసం ప్రత్యేకమైన ఏర్పాట్లు చేస్తున్నారు. తన పుట్టింట్లో.. కూతురు ఉండే గదికి.. స్పెషల్‌గా ఇంటీరియర్ రెడీ చేయించారు ఉపాసన. ఆ వీడియోను సోషల్ మీడియాలో షేర్ చేశారు.

పాల పొంగులా.. తెల్లని మేఘంలా.. తళతళ మెరిసిపోతోంది ఆ గది. రూమ్ అంతా వైట్ అండ్ వైట్. కంటికి, మనసుకు ఆహ్లాదకరంగా అనిపించేలా తీర్చిదిద్దారు. ప్రముఖ ఆర్కిటెక్ట్‌ పవిత్రా రాజారామ్‌ ఆ ఇంటీరియర్‌ను డిజైన్ చేశారు.

చెట్లు, ఫలాలు, జంతువులు.. ఇలా అమ్రాబాద్‌ ఫారెస్ట్‌ థీమ్‌తో కర్టెన్లు తీర్చిదిద్దారు. లలితా సహస్ర నామం నుంచి తీసుకున్న క్లీంకార పేరుకు తగ్గట్టుగా.. గదిలో వేదిక్‌ హీలింగ్‌ అంశాల స్ఫూర్తితో తళుకులు అద్దారు. ఆ ఇంటీరియర్‌ను రెడీ చేసిన విధానం మొత్తాన్ని వీడియోలో చూపించారు. ఉపాసన పోస్ట్ చేసిన ఆ వీడియో ఇప్పుడు సోషల్ మీడియాలో వైరల్ అవుతోంది.

Share

• 
• 
• 
• 
• 
•