Adipurush Twitter Review(Latest Bollywood News) : దేశవ్యాప్తంగా సినీ ప్రేమికులే కాదు సాధారణ ప్రజలు ఎదురు చూస్తున్న మూవీ ఆదిపురుష్. ప్రభాస్ రాముడిగా నటించడంతో ఈ మూవీపై అంచనాలు భారీగా పెరిగిపోయాయి. కృతిసనన్ సీత పాత్ర చేయడం ఆసక్తిని కలిగించింది. ఓం రౌత్ దర్శకత్వంలో తెరకెక్కిన ఈ పాన్ ఇండియా సినిమా థియేటర్లలోకి వచ్చేసింది. ఈ మూవీని ఇప్పటికే చూసిన ఫ్యాన్స్ ట్విటర్ లో తమ అభిప్రాయాలను తెలియజేస్తున్నారు.

ఆదిపురుష్ వరల్డ్ వైడ్ గా 9వేలకు పైగా స్క్రీన్స్ పై సందడి చేస్తోంది. దేశవ్యాప్తంగా ఈ మూవీ హడావిడి కనిపిస్తోంది. తెలుగు రాష్ట్రాల్లో ఎక్కడ చూసినా ఆదిపురుష్ మాటే వినిపిస్తోంది. ఇప్పటికే ఓవర్సీస్‌, చాలా చోట్ల ఫస్ట్‌ షో పడిపోయింది. ఈ సినిమా చూసిన ప్రేక్షకులు సోషల్‌ మీడియాలో రివ్యూలు ఇస్తున్నారు.

ఆదిపురుష్‌ సినిమా ఎలా ఉంది? రాముడిగా ప్రభాస్‌ మెప్పించాడా? సీత పాత్రకు కృతి సనన్ న్యాయం చేసిందా? ఇలాంటి అంశాలపై ట్విటర్ లో చర్చ జరుగుతోంది. ఈ చిత్రంపై భిన్న అభిప్రాయాలు వ్యక్తమవుతున్నాయి.

రాముడిగా ప్రభాస్‌ నటన అదుర్స్ అని కామెంట్లు పెడుతున్నారు. మిగతా క్యారెక్టర్స్‌కు ఎక్కువ స్క్రీన్‌ స్పేస్‌ ఉందని అంటున్నారు. అందుకే ప్రభాస్‌ తెరపై ఎక్కువ సేపు కనిపించలేదని కొందరు ఫ్యాన్స్ ఫీలవుతున్నారు.

ఆదిపురుష్ ఫస్టాఫ్‌ అద్భుతంగా ఉందని సోషల్ మీడియాలో పోస్టులు పెడుతున్నారు. సెకండాఫ్‌ అదే రేంజ్ లో ఉంటే ఇంకా బాగుండేదనే అభిప్రాయాలు వ్యక్తమవుతున్నాయి. అస‌లు క‌థ ఫస్టాఫ్ లో చెప్పేశారని అంటున్నారు. మొత్తంమీద సినిమా చూసిన నెటిజన్ల అభిప్రాయాలు ఇలా ఉన్నాయి.

Share

• 
• 
• 
• 
• 
•