Kannada TV director Vinod Dhondale dies by suicide: కన్నడ సినీ పరిశ్రమలో విషాదం చోటుచేసుకుంది. ప్రముఖ సీరియల్ డైరెక్టర్ ఆత్మహత్య చేసుకున్నాడు. కలర్స్ కన్నడ ఛానల్ లో ప్రసారమవుతున్న కరిమణి సీరియన్ దర్శకుడు వినోద్ ధోండాలే ఆత్మహత్య చేసుకున్నాడు. నాగరబావిలోని తన నివాసం వద్ద ఉరివేసుకొని మృతి చెందాడు. విషయం తెలుసుకున్న పోలీసులు ఘటనాస్థలానికి చేరుకొని పరిశీలించారు.

వినోద్ ధోండాలే మృతదేహాన్ని పోస్టుమార్టం నిమిత్తం బెంగళూరులోని విక్టోరియా ఆస్పత్రికి తరలించారు. అయితే ఆత్మహత్యకు గల కారణాలు తెలియరాలేదు. కాగా, వినోద్ ధోండాలే డైరెక్షన్‌లో సతీష్ నీనాసం హీరోగా నటిస్తున్న అశోక్ బ్లేడ్ సినిమా షూటింగ్ నిలిచిపోయింది. చివరి దశ షూటింగ్ పెండింగ్ లో ఉండగానే ఇలాంటి ఘటన జరగడంతో సినీ పరిశ్రమలో విషాదం నెలకొంది. ఈ మేరకు పలువురు సినిమా ప్రముఖులు ప్రగాఢ సానుభూతి ప్రకటించారు.

Share

• 
• 
• 
• 
• 
•