డైరెక్టర్ శంకర్ అంటే ఇండియా మొత్తం తెలుసు. ఎన్నో విజయవంతమైన చిత్రాలతో అలరించాడు. అయితే భారీ అంచనాల మధ్య రిలీజైన స్వీకెల్ చిత్రం భారతీయుడు 2 నిరాశపరిచింది. ఇంకా చెప్పాలంటే.. ఈ సినిమాలో శంకర్ మార్క్ కనపడలేదని, భారతీయుడు సీక్వెల్ నిరాశపరిచిందని టాక్ వినిపిస్తోంది. అంటే రోబో 2 లాగే శంకర్ సీక్వెల్ ప్లాన్ మళ్లీ వర్కవుట్ కాలేదా అనిపిస్తోంది.

ఇదిలా ఉండగా.. ఇప్పటివరకు టాప్ డైరెక్టర్స్ తీసిన సీక్వెల్ చిత్రాలు వర్కవుట్ కావట్లేదని తెలుస్తోంది. అంతకుముందు డైరెక్టర్ సురేందర్ రెడ్డి తీసిన ‘కిక్’రవితేజ సినిమాల్లో బిగ్గెస్ట్ హిట్ మూవీగా నిలిచింది. కొంతకాలం తర్వాత ఆ సినిమాకు సీక్వెల్ తీయాలనే ఆలోచనతో కిక్ 2 తీశారు. కానీ ఆ మూవీ అంతగా సక్సెస్ కాలేదు.

ఇక టాప్ డైరెక్టర్ సుకుమార్ దర్శకత్వంలో వచ్చిన ‘ఆర్య’ సినిమా సుకుమార్‌కి, అల్లు అర్జున్‌కి మంచి టర్నింగ్ పాయింట్ ఇచ్చింది. అయితే ఈ సినిమా విజయం చూశాక దీనికి సీక్వెల్ చేయాలనుకున్నారు. దీంతో ‘ఆర్య 2’ తీశారు. కానీ అది ఫ్లాప్ అయింది. మళ్లీ ఈ ఇద్దరి కాంబినేషన్‌లో వచ్చిన పుష్ప బిగ్గెస్ట్ హిట్ అయింది. ప్రస్తుతం దీనికి సీక్వెల్‌గా ‘పుష్ప 2’ వస్తుంది. మరి ఇది సక్సెస్ అవుతుందా లేదా చూడాలి మరి.

Also Read:  అనంత్ అంబానీ – రాధిక పెళ్లికి హాజరైన ప్రముఖులు వీళ్లే..