Actor Nithin : టాలీవుడ్ యంగ్ హీరో నితిన్ కు గాయాలైనట్లు తెలుస్తోంది. ప్రస్తుతం నితిన్.. వేణు శ్రీరామ్ దర్శకత్వంలో సినిమా చేస్తున్న విషయం తెలసిందే. ఇటీవలే మొదలైన “తమ్ముడు” మూవీ షూటింగ్.. ప్రస్తుతం మారేడుమిల్లిలోని అటవీ ప్రాంతంలో జరుగుతోంది. ఈ షూటింగ్ లో భారీ యాక్షన్ సీన్స్ ను చిత్రీకరించడానికి అన్ని ఏర్పాట్లు చేశారు. అయితే షూటింగ్ స్టార్ట్ అయ్యి.. కొన్ని ఫైట్ సీన్స్ తీస్తుండగా నితిన్కు పెద్ద గాయం అయినట్లు తెలుస్తోంది. దాంతో షూటింగ్ నిలిపివేశారని సమాచారం.
అంతే కాదు నితిన్ మూడు వారాల పాటు విశ్రాంతి తీసుకోవాలని డాక్టర్లు సూచించారట. అయితే నితిన్ గాయపడ్డారని వస్తున్న వార్తలను ఆ చిత్రం యూనిట్ ఖడించింది. షూటింగ్ లో ఎలాంటి ప్రమాదం జరగలేదని క్లారిటీ ఇచ్చింది. నితిన్ భుజం నొప్పితో బాధపడుతున్నాడని.. అందుకే షూటింగ్ కి బ్రేక్ ఇచ్చామని చిత్రబృందం తెలియజేసింది. హీరో అనారోగ్యం కారణంగా షూటింగ్ నిలివేసినట్లు తెలిపింది.
నితిన్ ఇంట్లో విశ్రాంతి తీసుకుంటునట్లు సినిమా యూనిట్ వర్గాలు తెలిపాయి. కాగా నితిన్ ఇటీవలే తీసిన ఎక్స్ ట్రా ఆర్డినరి మ్యాన్, మాచర్ల నియోజవర్గం.. ప్రేక్షకులను అంతగా ఆకట్టుకోలేదు. దీంతో తమ్ముడు మూవీ కోసం అభిమానులు ఎంతగానో ఎదురుచూస్తున్నారు. ఈ క్రమంలో సినిమా షూటింగ్ లో నితిన్ గాయపడ్డారంటూ జరుగుతున్న ప్రచారంతో అభిమానుల్లో ఆందోళన మొదలైంది. దీంతో ఆ సినిమా యూనిట్ వివరణ ఇచ్చింది.