Megha Akash: ప్రియుడితో ఎంగేజ్ మెంట్ చేసుకున్న టాలీవుడ్ హీరోయిన్.. కుర్రాళ్లకు హార్ట్ బ్రేక్

Megha Akash Engagement: మేఘా ఆకాష్.. తమిళంతో పాటు తెలుగులోనూ ఈమెకు మంచి యూత్ ఫాలోయింగ్ ఉంది. నితిన్ హీరోగా నటించిన లై సినిమాతో తెలుగు వెండితెరకు పరిచయమైంది. ఆ తర్వాత నితిన్ తోనే ఛల్ మోహనరంగలో మరోసారి జోడీ కట్టింది. డియర్ మేఘ, రాజరాజచోర, మనుచరిత్ర, పేట, ప్రేమదేశం, గుర్తుందా శీతాకాలం, రావణాసుర వంటి సినిమాల్లో నటించింది. తెలుగు అరడజనుకు పైగా సినిమాల్లో నటించినా.. ఒక్కహిట్ కూడా అందుకోలేకపోయింది. కానీ.. కుర్రాళ్ల హార్ట్ గెలుచుకుంది. యూత్ లో మేఘా ఆకాశ్ కు స్పెషల్ ఫాలోయింగ్ ఉంది.

కొన్నాళ్లుగా ఆమె ప్రేమలో ఉందని, త్వరలోనే పెళ్లిపీటలెక్కబోతోందన్న వార్తలు వస్తున్నా.. ఈ అమ్మడు మాత్రం రియాక్ట్ అవ్వలేదు. ఇప్పుడు సడెన్ గా తన అధికారిక ఇన్ స్టా అకౌంట్ లో ఎంగేజ్ మెంట్ ఫొటోలు పోస్ట్ చేసింది. అవి చూసిన కుర్రాళ్లకు హార్ట్ బ్రేక్ అయినంత పనైంది.

Also Read: ఎస్ఆర్ కళ్యాణమండపంలో ఒక్కటైన రాజావారు రాణిగారు

ప్రియుడు సాయివిష్ణుతో నిశ్చితార్థం జరిగినట్లు వెల్లడించింది. “ఇన్నాళ్లకు నా కోరిక నిజమైంది. ప్రేమ, నవ్వులు, ఆనందం అన్నీ నీతోనే.. నా జీవితానికి ప్రేమను పరిచయం చేసిన వ్యక్తితో నిశ్చితార్థం జరిగింది” అని ఆ పోస్ట్ కింద రాసుకొచ్చింది. ఏదేమైనా మేఘా ఆకాశ్ త్వరలోనే పెళ్లి చేసుకోబోతోంది. ప్రస్తుతం ఎంగేజ్ మెంట్ ఫొటోలు నెట్టింట వైరల్ అవుతున్నాయి. అభిమానులు శుభాకాంక్షలు చెబుతూ పోస్టులు పెడుతున్నారు.